उमरखेड | प्रतिनिधी :
उमरखेड तालुक्यातील मच्छीमार समाज दैनंदिन मच्छी विक्रीसाठी उमरखेड येथील मच्छी मार्केटवर पूर्णपणे अवलंबून आहे. या मार्केटमधूनच अनेक कुटुंबांचा उदरनिर्वाह चालत असला तरी मार्केटची अवस्था अत्यंत मोडकळीस आल्याने मच्छी विक्रेत्यांना मोठ्या अडचणींचा सामना करावा लागत होता. त्यामुळे अनेक कुटुंबांवर उपासमारीची वेळ येत होती.
भोई समाज बांधव बेरोजगारी व कर्जबाजारीपणाच्या विळख्यात अडकले असताना रिपब्लिकन सेनेच्या नेतृत्वात मुख्याधिकारी, तहसीलदार, उपविभागीय अधिकारी तसेच जिल्हाधिकारी, यवतमाळ यांच्याकडे मागील दोन वर्षांपासून सातत्याने पाठपुरावा करण्यात आला होता.
अखेर जनशक्ती पॅनलच्या उमरखेड नगरपरिषदेच्या नगराध्यक्षा तेजश्री जैन यांच्या पुढाकाराने उमरखेड मच्छी मार्केटमध्ये काँक्रिट बेड, टिन शेड, मुख्य गेट तसेच इतर आवश्यक सुविधा उपलब्ध करून देण्यात आल्या. या कामाबद्दल रिपब्लिकन सेनेच्या नेतृत्वात भोई समाज बांधवांच्या वतीने नगराध्यक्षा तेजश्री जैन यांचा सत्कार करण्यात आला.
यावेळी जिल्हाध्यक्ष सुनिल पाटील चिंचोलकर, शहराध्यक्ष शुद्धोधन दिवेकर, तालुकाध्यक्ष गौतम नवसागरे, तालुका उपाध्यक्ष राजू आगीरे, गजानन भोयर, भावराव भोयर, सकाराम राकडे, काशिनाथ आगीरे, देवराव राकडे, विजय राकडे, उमेश राकडे, नारायण राकडे, श्रीराम आगीरे, संजय कामरे, सुरेखाबाई कामरे, मुनेश्वर राकडे, रामदास राकडे, लक्ष्मण राकडे, माधव राकडे, देविदास राकडे, अंबादास राकडे, गणेश आगीरे, अंकुश आगीरे, मुकुंदा राकडे, रामदास आगीरे, गजानन राकडे, शामराव आगीरे तसेच तालुक्यातील भोई समाज बांधव मोठ्या संख्येने उपस्थित होते.
