शिर्ला (अंधारे), दि. ३० जून २०२६
नवीन शैक्षणिक वर्षाच्या प्रारंभी रामकृष्ण सावंत विद्यालय, शिर्ला (अंधारे) येथे विद्यार्थ्यांचे उत्साहपूर्ण आणि आनंददायी वातावरणात भव्य स्वागत करण्यात आले. शाळेच्या पहिल्याच दिवशी विद्यार्थ्यांचे टाळ्यांच्या गजरात स्वागत करून त्यांना नवीन शैक्षणिक वर्षासाठी शुभेच्छा देण्यात आल्या.
यावेळी विद्यार्थ्यांना आवश्यक शैक्षणिक साहित्याचे वाटप करण्यात आले. शाळेचे मुख्याध्यापक जी. सी. दैय्या यांनी विद्यार्थ्यांना नियमित उपस्थिती, गुणवत्तापूर्ण शिक्षण, शिस्त आणि सर्वांगीण विकासाचे महत्त्व पटवून देत नवीन शैक्षणिक वर्षासाठी शुभेच्छा दिल्या.
या कार्यक्रमास शाळेतील सर्व शिक्षक व शिक्षकेतर कर्मचारी उपस्थित होते. यामध्ये एम. के. राठोड, निशा चव्हाण, रश्मी धाडवे, वैशाली पुंडकर मॅडम, रवी अवचार, अरविंद नाकट, जय तायडे, शुभम घुगे, भीमराव जाधव आणि सागर कुटेमाटे यांनी विद्यार्थ्यांचे पुष्प देऊन स्वागत केले तसेच शैक्षणिक साहित्याचे वितरण केले.
या उपक्रमामुळे विद्यार्थी आणि पालकांमध्ये आनंदाचे वातावरण निर्माण झाले. शाळेच्या पहिल्याच दिवशी झालेल्या स्वागत समारंभाचे पालक व ग्रामस्थांनीही कौतुक केले. नवीन शैक्षणिक वर्षाची सुरुवात उत्साहपूर्ण आणि प्रेरणादायी वातावरणात झाल्याने विद्यार्थ्यांमध्ये नवचैतन्य निर्माण झाले.
