चौथा प्रतिनिधी : नवीन शैक्षणिक वर्षाच्या प्रारंभी जिल्हा परिषद प्राथमिक व उच्च माध्यमिक शाळा, चौथा येथे शाळा प्रवेशोत्सव उत्साहपूर्ण वातावरणात साजरा करण्यात आला. विद्यार्थ्यांचे स्वागत आनंददायी वातावरणात करण्यात आले.
या कार्यक्रमाला प्रमुख उपस्थिती म्हणून नायब तहसीलदार श्री. विजय हिवाळे साहेब, मंडळ अधिकारी श्री. पायघन साहेब तसेच ग्रामपंचायत अधिकारी श्री. वाय. एस. मुळे साहेब उपस्थित होते. यावेळी शाळेचे मुख्याध्यापक श्री. जाधव सर, शाळा व्यवस्थापन समितीचे अध्यक्ष श्री. अनिल गायकवाड, समिती सदस्य, शिक्षकवृंद, पालक आणि विद्यार्थी-विद्यार्थिनी मोठ्या संख्येने उपस्थित होते.
प्रवेशोत्सवानिमित्त विद्यार्थ्यांचे स्वागत करून त्यांना नवीन शैक्षणिक वर्षासाठी शुभेच्छा देण्यात आल्या. मान्यवरांनी विद्यार्थ्यांना नियमित शिक्षण, शिस्त, गुणवत्तापूर्ण अभ्यास आणि सर्वांगीण विकासाचे महत्त्व पटवून दिले.
कार्यक्रमामुळे विद्यार्थ्यांमध्ये उत्साहाचे वातावरण निर्माण झाले असून नवीन शैक्षणिक वर्षाची सुरुवात प्रेरणादायी वातावरणात झाली.
