एसटी बसच्या धडकेत दुचाकीस्वार युवक ठार
खटाव प्रतिनिधी : खटाव तालुक्यातील कातरखटाव-एनकुळ मार्गावर एसटी बसच्या धडकेत दुचाकीस्वार युवकाचा मृत्यू झाल्याची दुर्दैवी घटना घडली आहे.
महेश आबासाहेब मदने (वय ३५, रा. कणसेवाडी, ता. खटाव) असे मृत युवकाचे नाव आहे. या अपघातामुळे परिसरात हळहळ व्यक्त होत आहे.
मिळालेल्या माहितीनुसार, एसटी चालक तुळशीराम दादासो रणसिंग (रा. वडूज) यांनी त्यांच्या ताब्यातील एसटी बस भरधाव वेगाने चालवून महेश मदने यांच्या दुचाकीला जोरदार धडक दिली. या भीषण अपघातात महेश मदने यांचा जागीच मृत्यू झाला.
या प्रकरणी संबंधित एसटी चालकाविरोधात गुन्हा दाखल करण्यात आला असून पुढील तपास सुरू आहे.
