प्रतिनिधी
शिरजगाव कसबा परिसरात झालेल्या मुसळधार पावसामुळे वाहून गेलेल्या दुसऱ्या व्यक्तीचा मृतदेह अखेर शोध पथकाला आढळून आला आहे. या घटनेमुळे परिसरात हळहळ व्यक्त केली जात आहे.
दि. ३० रोजी शिरजगाव कसबा परिसरात झालेल्या जोरदार पावसामुळे पांढरी येथील दोन व्यक्ती पुराच्या पाण्यात वाहून गेल्याची घटना घडली होती. त्यानंतर पोलिस कर्मचारी आणि रेस्क्यू टीमकडून सातत्याने शोधमोहीम सुरू होती.
सलग तीन दिवस सुरू असलेल्या शोधकार्यानंतर दि. २ जुलै रोजी सकाळी चांदूर बाजार पोलीस स्टेशन हद्दीतील पिंपळखुटा गावाजवळ संबंधित व्यक्तीचा मृतदेह आढळून आला.
मृत व्यक्तीचे नाव गोपाल निर्वार असे असून ते पांढरी गावचे रहिवासी होते.
या घटनेमुळे परिसरात शोककळा पसरली असून प्रशासनाकडून पुढील कार्यवाही सुरू आहे.
