नळेगाव प्रतिनिधी
लातूर-उदगीर महामार्गावरील अजणसोंडा पाटीजवळ दि. २ रोजी सकाळी सुमारे १० वाजण्याच्या सुमारास कार, ऑटो आणि मोटरसायकलचा तिहेरी अपघात झाला. या भीषण अपघातात तिघेजण गंभीर जखमी झाल्याची घटना घडली.
मिळालेल्या माहितीनुसार, उदगीरहून लातूरकडे जाणारी कार (एमएच २४ बीआर ५८७६), लातूरहून उदगीरकडे जाणारा ऑटो (एमएच २४ एटी ९९८४) आणि मोटरसायकल (एमएच २४ पी ३१३७) यांच्यात जोरदार धडक झाली.
या अपघातात प्रद्यूम्न माचवे (वय ३५), कावेरी माचवे (वय ३०) आणि गोपाळ माने (वय ३५) हे गंभीर जखमी झाले आहेत.
अपघातानंतर परिसरातील नागरिकांनी तातडीने मदतकार्य करत जखमींना उपचारासाठी रुग्णालयात हलविले. घटनेची माहिती मिळताच पोलिसांनी घटनास्थळी धाव घेत पुढील तपास सुरू केला आहे.
