मुंबई | प्रतिनिधी
मंत्री प्रवीण दरेकर यांच्या अध्यक्षतेखालील महाराष्ट्र राज्य सहकारी संघ आणि ‘सहकारी महाराष्ट्र’ यांच्या संयुक्त विद्यमाने आंतरराष्ट्रीय सहकार दिनानिमित्त आयोजित करण्यात आलेला ‘सहकार गौरव पुरस्कार सोहळा’ उत्साहात पार पडला. सहकार क्षेत्रात उल्लेखनीय कार्य करणाऱ्या संस्था आणि मान्यवरांचा राज्याचे मुख्यमंत्री देवेंद्र फडणवीस यांच्या हस्ते गौरव करण्यात आला.
या कार्यक्रमाला विधानसभा अध्यक्ष राहुल नार्वेकर, भाजपा प्रदेशाध्यक्ष रवींद्र चव्हाण, उद्योगमंत्री उदय सामंत, कौशल्य विकास मंत्री मंगलप्रभात लोढा, सहकार व गृहनिर्माण राज्यमंत्री पंकज भोयर, मुंबई बँकेचे संचालक तथा आमदार प्रसाद लाड, वारणा सहकार समूहाचे अध्यक्ष तथा आमदार विनय कोरे, आमदार अभिजित पाटील, आमदार चित्रा वाघ, आमदार राहुल आवाडे, महाराष्ट्र राज्य सहकारी बँकेचे प्रशासक विद्याधर अनास्कर, मुंबई बँकेचे उपाध्यक्ष सिद्धार्थ कांबळे, राज्य सहकारी संघाचे संचालक शिवाजीराव नलावडे, मुंबई विभागीय सहनिबंधक शहाजी पाटील, मुंबई बँकेचे संचालक नंदकुमार काटकर, पतसंस्था फेडरेशनचे संचालक वसंतराव शिंदे, राज्य सहकारी संघाचे माजी अध्यक्ष अशोक जगताप, ग्राहक सहकारी संघाचे अध्यक्ष विठ्ठलराव भोसले, मार्केटिंग फेडरेशनचे अध्यक्ष रोहित निकम, मुंबई हाऊसिंग फेडरेशनचे अध्यक्ष प्रकाश दरेकर, रायगड प्रतिष्ठानचे अध्यक्ष डॉ. यश प्रवीण दरेकर यांच्यासह सहकार क्षेत्रातील अनेक मान्यवर उपस्थित होते.
यावेळी विविध क्षेत्रांत उल्लेखनीय कार्य करणाऱ्या मान्यवरांना सहकार गौरव पुरस्कारांनी सन्मानित करण्यात आले.
पुरस्कार मानकरी पुढीलप्रमाणे :
🏆 सहकार महर्षी पुरस्कार – विद्याधर अनास्कर
🏆 सहकार भूषण पुरस्कार – आमदार विनय कोरे
🏆 सहकार रत्न पुरस्कार – डॉ. रेवती पैठणकर
🏆 सहकार गौरव पुरस्कार – दीपक पटवर्धन
🏆 सहकार महिला शक्ती पुरस्कार – शोभा सावंत
🏆 सहकार विभूषण पुरस्कार – शिवाजीराव नलावडे
🏆 सहकार प्रेरणा पुरस्कार – शहाजी पाटील व राजेश लवेकर
🏆 आत्मनिर्भर हौसिंग पुरस्कार – सिद्धार्थ कांबळे, प्रकाश दरेकर व श्रीकांत कवठणकर
🏆 सहकार ग्रामविकास पुरस्कार – डॉ. नामदेव उसेंडी
🏆 सहकार उत्कृष्ट बँकिंग पुरस्कार – राजेंद्र सरकाले
🏆 सहकार कृषी रत्न पुरस्कार – संजय राणे व सचिन देशमुख-पारवेकर
🏆 दूध उत्पादक व सेवा सोसायटी पुरस्कार – विजय काळे व गोकुळ राजपूत
🏆 सहकार समाजसेवा पुरस्कार – चंद्रकांत पाटील
🏆 सहकार नेतृत्व पुरस्कार – अशोक जगताप
🏆 आदर्श सहकारी पतसंस्था पुरस्कार – व्ही. जी. पवार (ज्ञानदीप पतसंस्था)
🏆 सहकार उद्योग पुरस्कार – ऑल्डीन वसईकर
🏆 सहकार परिवर्तन पुरस्कार – दशरथ घनवट
🏆 युवा व ग्राहक पुरस्कार – रोहित निकम व विठ्ठलराव भोसले
कार्यक्रमात सहकार क्षेत्रातील योगदानाचा गौरव करताना राज्याच्या विकासात सहकार चळवळीची भूमिका अत्यंत महत्त्वाची असल्याचे मत मान्यवरांनी व्यक्त केले. सहकार क्षेत्र अधिक सक्षम करण्यासाठी आधुनिक तंत्रज्ञान, पारदर्शकता आणि युवकांचा सहभाग वाढवण्याची गरज असल्याचेही यावेळी सांगण्यात आले.
