भडगाव प्रतिनिधी : अखिल भारतीय मराठा महासंघाच्या संघटनात्मक बांधणीला अधिक बळकटी देण्यासाठी नाशिक येथे नुकत्याच आयोजित करण्यात आलेल्या विशेष कार्यक्रमात प्रदीप भिकनराव पाटील यांची पश्चिम जिल्हाध्यक्षपदी नियुक्ती करण्यात आली. यावेळी मान्यवरांच्या हस्ते त्यांना नियुक्तीपत्र प्रदान करून गौरविण्यात आले.
राष्ट्रीय सरचिटणीस मा. श्री. प्रमोदजी जाधव यांच्या शुभहस्ते हा सत्कार सोहळा पार पडला. कार्यक्रमास विभागीय अध्यक्ष श्री. चंद्रकांतजी बनकर, जिल्हा युवक अध्यक्ष श्री. व्यंकटजी मोरे तसेच उत्तर महाराष्ट्र प्रमुख श्री. नानासाहेब बाच्छाव यांची प्रमुख उपस्थिती होती.
यावेळी जळगाव जिल्हा संपर्कप्रमुख श्री. हरिभाऊ तुकाराम पाटील, जिल्हा संघटक प्रा. राकेश सोनवणे सर तसेच भडगाव तालुका कार्याध्यक्ष श्री. चेतनभाऊ पाटील यांचीही विशेष उपस्थिती लाभली.
प्रदीप भिकनराव पाटील यांच्या निवडीबद्दल पाचोरा-भडगाव मतदारसंघातील विविध क्षेत्रांतील मान्यवरांनी त्यांच्यावर शुभेच्छांचा वर्षाव केला. माननीय श्री. अमोलभाऊ शिंदे, माजी आमदार श्री. दिलीपभाऊ वाघ, प्रताप नाना पाटील, श्रीमती वैशालीताई सूर्यवंशी, प्रशांत पवार, सोमनाथ पाटील, विनोद नेरकर, देविदास पाटील, अनिलभाऊ वाघ, सचिन चोरडिया, धनराज पाटील, डॉ. पूनम पाटील तसेच योजना पाटील यांनी त्यांच्या पुढील वाटचालीस शुभेच्छा दिल्या.
प्रदीप भिकनराव पाटील यांच्या निवडीमुळे अखिल भारतीय मराठा महासंघाची संघटनात्मक ताकद पश्चिम भागात अधिक मजबूत होईल, असा विश्वास यावेळी उपस्थित मान्यवरांनी व्यक्त केला.
