प्रतिनिधी
विदर्भ पटवारी संघ नागपूर-२, बुलढाणा जिल्हा तालुका शाखा लोणार यांच्या वतीने पदोन्नती प्राप्त तसेच सेवानिवृत्त झालेल्या महसूल विभागातील अधिकारी व कर्मचाऱ्यांचा सपत्नीक सत्कार सोहळा उत्साहात पार पडला. हा कार्यक्रम लोणार तहसील कार्यालय येथे आयोजित करण्यात आला होता.
या कार्यक्रमात ग्राम महसूल अधिकारी श्री. अशोक पाटील सौदर, श्री. संतोष पनाड आणि श्री. काशिनाथ इप्पर यांची मंडळ अधिकारी पदावर पदोन्नती झाल्याबद्दल सत्कार करण्यात आला. तसेच श्री. संकेतजी सिद्ध भट्टी यांची राज्य विक्रीकर निरीक्षक पदावर निवड झाल्याबद्दल त्यांचा गौरव करण्यात आला.
याशिवाय श्री. घरजाळे साहेब, श्री. घोडके साहेब आणि अव्वल कारकून श्री. अशोकजी बोरे साहेब यांच्या सेवानिवृत्ती निमित्त त्यांचा सपत्नीक सत्कार करून त्यांच्या सेवेला गौरविण्यात आले.
कार्यक्रमास विदर्भ पटवारी संघाचे जिल्हाध्यक्ष विजेंद्रजी धोंडगे, सचिव शिवानंदजी वाकतकर, मेहकर उपविभाग अध्यक्ष विजय गारोळे, उपाध्यक्ष नितेश राणे, संदीप पवार, एन. डी. गारोळे, अमोल गिऱ्हे, श्रीमती वैष्णवी बेले-शिंदे मॅडम आदी मान्यवर उपस्थित होते.
कार्यक्रमाच्या अध्यक्षस्थानी शेगाव उपविभागीय अधिकारी प्रशांत सानप साहेब होते. यावेळी तहसीलदार भूषण पाटील साहेब, नायब तहसीलदार डोळे साहेब, श्री. मयूर साहेब, श्रीमती योगेश्वरी परळीकर मॅडम, मंडळ अधिकारी लक्ष्मण सानप, विजय पोपळे, विष्णू केंद्रे, शिवशंकर खारवाल यांच्यासह तहसील कार्यालय लोणार येथील सर्व कर्मचारी, तलाठी आणि मंडळ अधिकारी मोठ्या संख्येने उपस्थित होते.
संपूर्ण कार्यक्रम उत्साहपूर्ण वातावरणात पार पडला असून पदोन्नती प्राप्त अधिकारी आणि सेवानिवृत्त कर्मचाऱ्यांवर शुभेच्छांचा वर्षाव करण्यात आला.
