गोविंदपूर | प्रतिनिधी
अखिल भारतीय मराठी पत्रकार परिषद, महाराष्ट्रच्या कळंब तालुका शाखेच्या अध्यक्षपदी अमर भारत चोंदे यांची बिनविरोध निवड करण्यात आली. कळंब येथील पत्रकार भवनात रविवारी (दि. १९) झालेल्या पत्रकारांच्या बैठकीत ही निवड जाहीर करण्यात आली.
यावेळी नव्या कार्यकारिणीचीही घोषणा करण्यात आली. उपाध्यक्ष म्हणून श्रीकांत बरकते, कार्याध्यक्ष म्हणून सुधाकर माणिकराव रणदिवे, सचिव म्हणून राहुल गोरख गाडे, संघटक म्हणून शिवप्रसाद बियाणे, सहसंघटक म्हणून अझहर शेख व अविनाश जाधव, कोषाध्यक्ष म्हणून शिवाजी बोबडे, सहसचिव म्हणून दिलीप झोरी, प्रसिद्धी प्रमुख म्हणून किरण राजपूत तसेच सल्लागार म्हणून ॲड. मंदार मुळीक यांची निवड करण्यात आली.
नवनियुक्त पदाधिकाऱ्यांचा सत्कार करून त्यांना निवडीची पत्रे प्रदान करण्यात आली. हा सन्मान डिजिटल मीडिया परिषद प्रदेशाध्यक्ष तथा अखिल भारतीय मराठी पत्रकार परिषद महाराष्ट्र राज्य सदस्य अनिल वाघमारे, पोटभरे साहेब आणि धाराशिव जिल्हाध्यक्ष रहीम शेख यांच्या हस्ते करण्यात आला.
कार्यक्रमास कळंब तालुक्यातील पत्रकार मोठ्या संख्येने उपस्थित होते. कार्यक्रमाचे सूत्रसंचालन ज्येष्ठ पत्रकार माधवसिंग राजपूत यांनी केले.
नवनियुक्त कार्यकारिणीच्या माध्यमातून पत्रकारांच्या प्रश्नांना प्राधान्य देत संघटन अधिक सक्षम करण्यासाठी कार्य करण्यात येईल, असा विश्वास यावेळी व्यक्त करण्यात आला.
