नांदगाव | प्रतिनिधी
नांदगाव तालुक्यातील विद्यार्थ्यांच्या शैक्षणिक गरजा लक्षात घेऊन आमदार सुहास अण्णा कांदे व सौ. अंजुमताई सुहास कांदे यांच्या वतीने सुमारे 23 हजार विद्यार्थ्यांना शालेय साहित्याचे वाटप करण्यात आले.
शनिवार, दि. 18 जुलै 2026 रोजी सावित्रीबाई फुले कन्या विद्यालय, नांदगाव येथे आयोजित कार्यक्रमात नगर परिषदेच्या सर्व मराठी माध्यमाच्या शाळांतील विद्यार्थ्यांना दर्जेदार दप्तर आणि चार वह्यांचा संच भेट म्हणून देण्यात आला. या साहित्याचे वितरण सौ. अंजुमताई कांदे यांच्या हस्ते करण्यात आले.
या कार्यक्रमाला लोकनियुक्त नगराध्यक्ष सागरभाऊ हिरे, नगर परिषदेचे मुख्याधिकारी जाधव, गटशिक्षणाधिकारी नायकवाडे, शिक्षण मंडळाचे पदाधिकारी, नगरसेवक, शिक्षक, पालक, शिवसेना पदाधिकारी, शिवसेना महिला आघाडीच्या पदाधिकारी तसेच मोठ्या संख्येने विद्यार्थी उपस्थित होते.
या उपक्रमामुळे विद्यार्थ्यांना शैक्षणिक साहित्याची मदत मिळणार असून शिक्षणाला प्रोत्साहन देण्याच्या उद्देशाने हा उपक्रम राबविण्यात आल्याचे आयोजकांनी सांगितले.
