आष्टी | प्रतिनिधी
आष्टी तालुक्यातील दैठणा येथे शेतातील विद्युत मोटार सुरू करताना विजेचा जोरदार धक्का लागून एका तरुणाचा दुर्दैवी मृत्यू झाल्याची घटना मंगळवार, दि. 21 जुलै 2026 रोजी सकाळी सुमारे 7.20 वाजता घडली.
मिळालेल्या माहितीनुसार, स्वप्नील कैलास कदम (रा. दैठणा, ता. आष्टी, जि. बीड) हे आपल्या शेतातील विद्युत मोटार सुरू करण्यासाठी गेले असता अचानक विद्युत प्रवाहाचा जोरदार धक्का बसला. या अपघातात त्यांचा जागीच मृत्यू झाला.
घटनेची माहिती मिळताच परिसरातील नागरिकांनी घटनास्थळी धाव घेतली. या दुर्दैवी घटनेमुळे दैठणा गावावर शोककळा पसरली असून कदम कुटुंबावर दुःखाचा डोंगर कोसळला आहे.
दरम्यान, पावसाळ्यात विद्युत उपकरणे आणि मोटारी हाताळताना आवश्यक ती खबरदारी घेण्याचे आवाहन संबंधित विभागाकडून वेळोवेळी करण्यात येत आहे.
