कवठे महांकाळ | प्रतिनिधी
अखिल भारतीय राष्ट्रीय काँग्रेस पक्षाच्या कवठे महांकाळ तालुका अध्यक्षपदी अविराजे शिंदे ‘सरकार’ यांची नियुक्ती करण्यात आली आहे. त्यांच्या निवडीबद्दल काँग्रेस कार्यकर्त्यांकडून स्वागत करण्यात येत असून त्यांचा सत्कारही करण्यात आला.
निवडीनंतर उत्तर कर्नाटक राज्य महिला अध्यक्षा तथा कागवाड महिला काँग्रेसच्या अध्यक्षा रेखाताई पुंजापगोळ यांच्या हस्ते अविराजे शिंदे यांचा सत्कार करण्यात आला. यावेळी त्यांच्या भावी राजकीय वाटचालीसाठी शुभेच्छा देण्यात आल्या.
या कार्यक्रमाला प्रदेश काँग्रेसचे प्रतिनिधी माणिकराव भोसले, माजी तालुकाध्यक्ष संजय ऊर्फ बापू हजारे, जिल्हा काँग्रेसचे ज्येष्ठ नेते प्रा. दादासाहेब ढेरे, जिल्हा प्रतिनिधी बळवंत यमगर, धनाजीराव पाटील, रावसाहेब शिंदे, उपाध्यक्ष विजय ओलेकर, शहर उपाध्यक्ष गुलाब मकानदार, युवक काँग्रेस अध्यक्ष विशाल शिंदे, आय. टी. पाटील, मागासवर्गीय काँग्रेस सेलचे तालुकाध्यक्ष दिगंबर लोंढे यांच्यासह काँग्रेसचे पदाधिकारी व कार्यकर्ते मोठ्या संख्येने उपस्थित होते.
नवीन जबाबदारी स्वीकारल्यानंतर अविराजे शिंदे यांनी पक्ष संघटना अधिक मजबूत करण्यासाठी तसेच सर्वसामान्य नागरिकांच्या प्रश्नांसाठी प्रामाणिकपणे कार्य करण्याचा निर्धार व्यक्त केला.
