मुंबई | प्रतिनिधी
कोकणातील सामाजिक क्षेत्रात गेली दहा वर्षे कार्यरत असलेल्या शिव स्वराज्य फाउंडेशनचा दशकपूर्ती सोहळा रविवारी (दि. 19 जुलै 2026) भांडुप येथील सह्याद्री शिक्षण संस्था सभागृहात उत्साहात पार पडला. कॉंक्रोटेक इंडियाच्या सहप्रायोजकत्वाखाली आयोजित या कार्यक्रमात विविध क्षेत्रातील मान्यवरांची उपस्थिती लाभली.
छत्रपती शिवाजी महाराज आणि डॉ. बाबासाहेब आंबेडकर यांच्या विचारांनी प्रेरित होऊन 2016 मध्ये रत्नागिरी जिल्ह्यातील लांजा तालुक्यात स्थापन झालेली ही संस्था शिक्षण, आरोग्य, पर्यावरण आणि सांस्कृतिक क्षेत्रात सातत्याने कार्यरत आहे.
कार्यक्रमाची सुरुवात ह.भ.प. कोष्टी महाराज यांच्या वारकरी दिंडीने करण्यात आली. दशकपूर्तीच्या निमित्ताने महाराष्ट्र चेंबर्स ऑफ कॉमर्सच्या माध्यमातून ‘गाव तिथे उद्योजक’ अभियानाचा शुभारंभ करण्यात आला.
यावेळी समाजरत्न, कलागौरव आणि उद्योगरत्न पुरस्कारांचे वितरण करण्यात आले. तसेच शिव स्वराज्य फाउंडेशन निर्मित कार्यकर्ता नाटकातील कलाकारांचा गौरव करण्यात आला. आगामी मराठी चित्रपट **‘एक होते माळीण’**चे प्रमोशनही करण्यात आले. याच कार्यक्रमात निर्माते डॉ. एम. एम. कुर्लगिरी यांनी ‘एक होता कार्यकर्ता’ या आगामी मराठी चित्रपटाची घोषणा केली.
कार्यक्रमास उत्तर प्रदेशचे सांस्कृतिक मंत्री यशवंत निकोसे, माजी आमदार सुभाष बने, उद्योजक बाळकृष्ण बने, हास्यजत्रा कलाकार निखिल बने, जागतिक शांततादूत डॉ. एम. एम. कुर्लगिरी, उद्योजक दिलीप खानविलकर, सचिन माजळकर, महाराष्ट्र चेंबर्स ऑफ कॉमर्सचे उद्योग विचार मंच प्रमुख रामेश्वर पवार, कार्यकारिणी सदस्य संजय बगे, चित्रपट निर्माते संतोष म्हात्रे, समाजसेविका सुप्रिया सुजय धूरत, उद्योजक पराग बने, समाजसेवक सतीश जगताप, चित्रपट निर्माते शरद उगले, वारकरी संप्रदायाचे रमेश चव्हाण (माऊली) यांच्यासह अनेक मान्यवर उपस्थित होते.
कार्यक्रमाच्या यशस्वी आयोजनासाठी कॉंक्रोटेक इंडियाचे धनबीर सिंग सुरी, आमदार अशोक पाटील, सुजय धूरत, नगरसेवक उमेश माने, समाजसेवक राजा गायकवाड, नगरसेविका साक्षी दीपक दळवी, सोनल माजळकर यांचे विशेष सहकार्य लाभले.
शिव स्वराज्य फाउंडेशनचे सल्लागार दिलीप खानविलकर, सचिन माजळकर, अध्यक्ष चंद्रशेखर धावणे, खजिनदार संदीप परब, कार्याध्यक्ष दिनेश पवार, तसेच संचालक मंडळ, पदाधिकारी, स्वयंसेवक आणि भांडुप वारकरी संप्रदायाच्या सहकार्याने हा दशकपूर्ती सोहळा यशस्वीरीत्या संपन्न झाला.
