सारथी महाराष्ट्राचा न्यूज | शहादा | प्रतिनिधी
महाराष्ट्राचे मुख्यमंत्री मा. देवेंद्र फडणवीस यांच्या वाढदिवसानिमित्त भारतीय जनता पार्टी, शहादा शहराच्या वतीने भव्य रक्तदान शिबिराचे आयोजन करण्यात आले आहे. हे शिबिर बुधवार, दि. २२ जुलै २०२६ रोजी सकाळी ९ ते दुपारी २ या वेळेत स्टेट बँकेजवळील महात्मा ज्योतिबा फुले स्मारक, शहादा येथे पार पडणार आहे.
भाजपा प्रदेशाध्यक्ष रविंद्रजी चव्हाण, माजी प्रदेश महामंत्री व उत्तर महाराष्ट्र संयोजक विजयभाऊ चौधरी तसेच जिल्हाध्यक्ष निलेशभाऊ माळी यांच्या सूचनेनुसार या शिबिराचे आयोजन करण्यात आले आहे.
या कार्यक्रमास आमदार राजेशदादा पाडवी, प्रदेश सदस्य बापूसाहेब दीपकभाई पाटील, जिल्हा उपाध्यक्ष प्रा. मकरंदभाई पाटील आणि उपनगराध्यक्ष माधवीताई मकरंद पाटील यांची प्रमुख उपस्थिती लाभणार आहे.
या रक्तदान शिबिरात सहभागी होणाऱ्या प्रत्येक रक्तदात्याचा १ लाख रुपयांचा अपघाती विमा मोफत काढण्यात येणार आहे. या योजनेचा लाभ घेण्यासाठी रक्तदात्यांनी आधार कार्ड किंवा अन्य वैध ओळखपत्राची छायांकित प्रत सोबत आणणे आवश्यक आहे.
भाजपा शहादा शहराध्यक्ष ज्ञानेश्वरभाऊ चौधरी यांनी शहरातील नगरसेवक, नगरसेविका, पदाधिकारी, कार्यकर्ते तसेच सर्व नागरिकांनी या सामाजिक उपक्रमात उत्स्फूर्त सहभाग नोंदवून रक्तदान करून गरजू रुग्णांना जीवनदान देण्याचे आवाहन केले आहे.
