सारथी महाराष्ट्राचा न्यूज | मुंबई | प्रतिनिधी
मुंबई, दि. २१ : उपमुख्यमंत्री स्वर्गीय अजितदादा पवार यांच्या ६७ व्या जयंतीनिमित्त आयोजित करण्यात आलेल्या ‘अजित स्मृती अविट स्मृती’ या विशेष छायाचित्र प्रदर्शनाचे उद्घाटन मुख्यमंत्री देवेंद्र फडणवीस यांच्या हस्ते करण्यात आले.
यावेळी मुख्यमंत्री देवेंद्र फडणवीस म्हणाले की, या छायाचित्र प्रदर्शनाच्या माध्यमातून स्वर्गीय अजितदादा पवार यांचा संपूर्ण जीवनप्रवास सुंदरपणे उलगडला आहे. त्यांच्या कार्यकर्तृत्वाची, सामाजिक योगदानाची आणि अष्टपैलू व्यक्तिमत्त्वाची झलक या प्रदर्शनातून पाहायला मिळते. त्यांच्या स्मृती कायम जिवंत ठेवणारे हे प्रदर्शन प्रेरणादायी असल्याचेही त्यांनी नमूद केले.
महिला आर्थिक विकास महामंडळाच्या सभागृहात आयोजित करण्यात आलेल्या या प्रदर्शनात स्वर्गीय अजितदादा पवार यांच्या सार्वजनिक, सामाजिक आणि राजकीय जीवनातील विविध टप्पे छायाचित्रांच्या माध्यमातून सादर करण्यात आले आहेत.
याप्रसंगी उपमुख्यमंत्री सुनेत्रा अजित पवार, वैद्यकीय शिक्षण मंत्री हसन मुश्रीफ, जलसंपदा मंत्री गिरीश महाजन, सार्वजनिक आरोग्य मंत्री प्रकाश आबिटकर, सहकार मंत्री बाबासाहेब पाटील यांच्यासह अनेक मान्यवर उपस्थित होते. मुख्यमंत्री देवेंद्र फडणवीस यांनी प्रदर्शनाला भेट देऊन छायाचित्रांची पाहणी केली व स्वर्गीय अजितदादा पवार यांच्या कार्याला अभिवादन केले.
