सारथी महाराष्ट्राचा न्यूज | जळकोट | प्रतिनिधी
जळकोट शहरात राष्ट्रवादी काँग्रेस (अजित पवार गट) यांच्या वतीने उपमुख्यमंत्री अजितदादा पवार यांची जयंती उत्साहात साजरी करण्यात आली. यानिमित्त कृषी उत्पन्न बाजार समिती परिसरात अभिवादन कार्यक्रमाचे आयोजन करण्यात आले.
यावेळी अजितदादा पवार यांच्या प्रतिमेला पुष्पहार अर्पण करून अभिवादन करण्यात आले. राष्ट्रवादी काँग्रेसचे पदाधिकारी, कार्यकर्ते तसेच विविध पक्षांचे पदाधिकारी मोठ्या संख्येने उपस्थित होते.
जयंतीनिमित्त २२ जुलै रोजी मार्केट यार्ड येथे राष्ट्रवादी काँग्रेस (अजित पवार गट) यांच्या वतीने नागरिकांसाठी महाप्रसाद व भोजनाचे आयोजन करण्यात आले. या कार्यक्रमाला विविध क्षेत्रातील मान्यवर व नागरिकांनी मोठ्या संख्येने उपस्थिती लावली.
यावेळी उपस्थितांनी अजितदादा पवार यांच्या विकासाभिमुख कार्याचा गौरव करत त्यांच्या नेतृत्वाखाली राज्यात विविध विकासकामांना गती मिळाल्याचे सांगितले. “अजितदादांचे वचन म्हणजे काम पूर्ण होण्याची हमी,” अशा भावना कार्यकर्त्यांनी व्यक्त केल्या.
कार्यक्रमाच्या शेवटी उपस्थित मान्यवर, पदाधिकारी, कार्यकर्ते तसेच पत्रकार बांधवांनी उपमुख्यमंत्री अजितदादा पवार यांना जयंतीनिमित्त शुभेच्छा देत त्यांच्या कार्याला अभिवादन केले.
