सारथी महाराष्ट्राचा न्यूज | सातारा | प्रतिनिधी
रयत शिक्षण संस्था आणि मराठा बिझनेसमन फोरम (MBF), शाखा सातारा यांच्या संयुक्त विद्यमाने शुक्रवार, दि. २४ जुलै २०२६ रोजी स्पर्धा परीक्षा मार्गदर्शन शिबिराचे आयोजन करण्यात आले आहे. MPSC आणि UPSC यांसारख्या स्पर्धा परीक्षांची तयारी करणाऱ्या विद्यार्थ्यांसाठी हे शिबिर पूर्णतः मोफत असणार आहे.
या शिबिरात माजी सनदी अधिकारी इंद्रजीत देशमुख यांचे विशेष मार्गदर्शनपर व्याख्यान होणार असून, स्पर्धा परीक्षांबाबत इतर तज्ज्ञांचेही विद्यार्थ्यांना मोफत मार्गदर्शन मिळणार आहे.
हे शिबिर सकाळी १०.३० वाजता छत्रपती शिवाजी कॉलेज, सातारा येथे आयोजित करण्यात आले आहे. इच्छुक विद्यार्थ्यांनी नाव नोंदणी व अधिक माहितीसाठी ९९२२६२०७६८ या क्रमांकावर संपर्क साधावा, असे आवाहन आयोजकांनी केले आहे.
विद्यार्थ्यांचा उत्स्फूर्त प्रतिसाद लक्षात घेऊन भविष्यात प्रत्येक शनिवार आणि रविवारी नियमित स्पर्धा परीक्षा मार्गदर्शन शिबिरे आयोजित करण्याचा मानस असल्याची माहिती आयोजकांनी दिली आहे.
