सारथी महाराष्ट्राचा न्यूज | मानवत | प्रतिनिधी
मानवत येथील नेताजी सुभाष शिक्षण संस्थेच्या नेताजी सुभाष प्राथमिक विद्यालयाच्या संभाजीनगर शाखेत दिवंगत उपमुख्यमंत्री अजितदादा पवार यांची जयंती विविध उपक्रमांनी साजरी करण्यात आली. यावेळी विद्यार्थ्यांना शैक्षणिक साहित्य व गणवेशाचे वाटप करण्यात आले.
कार्यक्रमाचे प्रमुख पाहुणे म्हणून सेवानिवृत्त ज्येष्ठ शिक्षक अंबादासराव बंडे आणि ज्येष्ठ सेवानिवृत्त शिक्षिका पांडे मॅडम उपस्थित होते. त्यांच्या हस्ते दिवंगत उपमुख्यमंत्री अजितदादा पवार यांच्या प्रतिमेचे पूजन करून अभिवादन करण्यात आले.
यावेळी विद्यालयातील शिक्षक बाबासाहेब तेलभरे, सुबान शहा, कैलासराव अबूज तसेच विद्यार्थी मोठ्या संख्येने उपस्थित होते. मान्यवरांच्या हस्ते शालेय विद्यार्थ्यांना शैक्षणिक साहित्याबरोबरच गणवेशाचेही वितरण करण्यात आले.
मार्गदर्शन करताना अंबादासराव बंडे यांनी स्वातंत्र्यसैनिक नेताजी सुभाषचंद्र बोस आणि दिवंगत उपमुख्यमंत्री अजितदादा पवार यांच्या जीवनकार्याची माहिती विद्यार्थ्यांना दिली. तर बाबासाहेब तेलभरे यांनी अजितदादा पवार यांच्या जीवनातील विविध प्रसंग आणि कार्याचा आढावा घेत विद्यार्थ्यांना प्रेरणादायी मार्गदर्शन केले.
कार्यक्रमाचे सूत्रसंचालन कैलासराव अबूज यांनी केले, तर उपस्थित मान्यवरांचे आभार सुबान शहा यांनी मानले.
