बार्शी टाकळी | प्रतिनिधी :
अकोला जिल्ह्यातील बार्शी टाकळी येथील सुप्रसिद्ध अॅक्युपंक्चर तज्ज्ञ डॉ. मोहम्मद अशरफ अब्दुल सलीम यांना वैद्यकीय क्षेत्रातील उल्लेखनीय कार्याची दखल घेत प्रतिष्ठेचा ‘महा अॅक्युपंक्चर रत्न पुरस्कार – २०२६’ प्रदान करून गौरविण्यात आले.
आयुष इंटरनॅशनल मेडिकल असोसिएशनच्या वतीने छत्रपती संभाजीनगर येथील यशवंतराव चव्हाण नाट्यगृहात आयोजित भव्य पुरस्कार वितरण सोहळ्यात मान्यवरांच्या हस्ते डॉ. अशरफ यांना हा सन्मान प्रदान करण्यात आला.
डॉ. मोहम्मद अशरफ यांनी अॅक्युपंक्चर उपचार पद्धतीद्वारे अनेक रुग्णांना प्रभावी व गुणवत्तापूर्ण उपचार उपलब्ध करून देत वैद्यकीय सेवेत मोलाचे योगदान दिले आहे. रुग्णसेवेसाठीची त्यांची निष्ठा, समर्पण आणि उत्कृष्ट कार्याची दखल घेत त्यांना हा प्रतिष्ठेचा पुरस्कार जाहीर करण्यात आला.
या सन्मानामुळे बार्शी टाकळीसह संपूर्ण अकोला जिल्ह्याच्या शिरपेचात मानाचा तुरा रोवला गेला आहे. त्यांच्या या यशाबद्दल वैद्यकीय क्षेत्रातील सहकारी, मित्रपरिवार, सामाजिक संस्था तसेच विविध स्तरांतील मान्यवरांकडून त्यांचे अभिनंदन करण्यात येत असून, त्यांच्या पुढील वाटचालीस शुभेच्छांचा वर्षाव होत आहे.
