जत/ प्रतिनिधी:-
८० व्या भारतीय स्वतंत्र दिनानिमित्त जत येथील नविन प्रशासकिय ईमारतीसमोरील खुल्या जागेवर असलेल्या ध्वजस्तंभावर येथील उपविभागीय अधिकारीसाहेब श्री.अजयकुमार नष्टे यांच्याहस्ते मुख्य शासकिय ध्वजारोहण कार्यक्रम पार पडला.
यावेळी पोलीस प्रशासनाच्यावतीने ध्वजास मानवंदना देण्यात आली.यावेळी शालेय विद्यार्थ्यानी राष्ट्रगीत व गर्जा महाराष्ट्र माझा हे गीत सादर केले,जतचे आमदार श्री.गोपीचंद पडळकर यांच्यावतीने त्यांच्या समर्थकांनी स्वतंत्रदिनानिमित्त शालेय विद्यार्थी व उपस्थितांना जिलेबीचे वाटप केले.
यावेळी अलफोनसा स्कूलच्या ब्यांडपथक विध्यार्थीनींनी नेत्रदीपक असे संचालन करीत मान्यवराना मानवंदना दिली.
यावेळी प्रशासनाच्यावतीने आमदार श्री.गोपिचंद पडळकर, उपविभागीय अधिकारी श्री.अजयकुमार नष्टे,तहसिलदार श्री.प्रविण धानोरकर आदींच्या हस्ते जत तालुक्यातील स्वतंत्र सैनिकांचा,जेष्ठ नागरिकांचा सन्मान करण्यात आला.
यावेळी सांगली जिल्ह्यात जतचे उपविभागीय अधिकारी श्री. अजयकुमार नष्टे यांनी प्रशासकीय क्षेत्रात उल्लेखनीय कामगिरी पार पाडल्याबदल त्यांचा जतचे तहसीलदार श्री. प्रवीण धानोरकर यांच्या हस्ते सन्मान करण्यात आला.
यावेळी तहसीलदार श्री. प्रवीण धानोरकर, जतचे उपविभागीय पोलीस अधिकारी श्री. सचिन थोरबोले, जत पंचायत समितीच्या सभापती सौ. अर्चना नाथा पाटील,नगराध्यक्ष डॉ. रविंद्र आरळी, उपनगराध्यक्ष विक्रम ताड,कारगिल युद्धात पराक्रम गाजविलेले मेजर वाघमोडे,जत नगरपरिषद मुख्याधिकारी लक्ष्मण राठोड, डॉ. सुभाष मालानी तसेच उपस्थित स्वातंत्र सैनिक व त्यांच्या वारसाचा सन्मान जतचे आ. श्री. गोपीचंद पडळकर यांच्या हस्ते करण्यात आला.
आमदार श्री.गोपिचंद पडळकर, तहसिलदार श्री.प्रविण धानोरकर,महसूल नायब तहसीलदार श्री.बाळासाहेब सवदे, माजी सैनिक सिध्दू शिंदे,यांच्यासाह मोठया संख्येने माजी सैनिक उपस्थित होते.श्री.आप्पासाहेब धोडमाळ,केंद्रीय सिमेंट कार्पोरेशन चे संचालक व जतचे नगराध्यक्ष डाॅ.रविंद्रआरळी,सांगली कृषी उत्पन्न बाजार समिती सभापती सुजय शिंदे, शहाजीबापू जाधव,आर.पी.आय.आठवले गटाचे पश्चिम महाराष्ट्र प्रदेश कार्याध्यक्ष संजय कांबळे,श्री., नगरसेवक परशुराम मोरे,राजू यादव,रमेश बिराजदार,उपनगराध्यक्ष विक्रम ताड, पापा कुंभार, डॉ. सुभाषचंद्र मालानी ,आदींसह मान्यवर मोठ्यासंख्येने उपस्थित होते.आज पंधरा ऑगस्ट स्वातंत्रदिन जत शहरासह तालुक्यात मोठया उत्सहात साजरा करण्यात आला.
जत नगरपरिषदेने स्वतंत्रदिनानिमित्त प्रभात फेरी मार्गावर डी.डी.टी.पावडर टाकून नागरिकांच्या आरोग्याची काळजी घेतली होती.
जत शहरासह तालुक्यात सर्वत्र शाळा,महाविद्यालये,हायस्कूल,गावचावडी,ग्रामपंचायत,बॅंका,सोसायट्या पतसंस्था व विविध शासकिय कार्यालयात मोठ्या उत्साहात ८०वा स्वातंत्र्य दिनाचा कार्यक्रम पार पडला.
स्वतंत्र दिनानिमित्त शालेय विद्यार्थ्यांनी घोषणा देत हातात तिरंगा झेंडा फडकवित जत शहरातून प्रभात फेरी काढली .
