काहाळा खुर्द : प्रतिनिधी
नायगाव तालुक्यातील काहाळा खुर्द येथील श्री संत बाळगीर महाराज हायस्कूलमध्ये ८० वा स्वातंत्र्यदिन सोहळा उत्साहपूर्ण वातावरणात संपन्न झाला. यावेळी राष्ट्रध्वजाला मानवंदना देण्यात आली. तसेच महाराष्ट्र गीत आणि ‘वंदे मातरम्’चे सादरीकरण करण्यात आले.
स्वातंत्र्यदिनाच्या कार्यक्रमात इयत्ता दहावीच्या विद्यार्थ्यांनी कॉपीमुक्त परीक्षेची शपथ घेतली. विद्यार्थ्यांनी शिस्तबद्ध पद्धतीने पी.टी.चे सादरीकरण करून उपस्थितांची दाद मिळवली.
यावेळी संस्थाध्यक्ष मा. श्री. मोहनराव पाटील सुगावकर यांनी विद्यार्थ्यांना प्रेरणादायी मार्गदर्शन केले. कार्यक्रमाचे प्रास्ताविक शाळेचे मुख्याध्यापक श्री. अन्नपूर्वे सर यांनी केले. सूत्रसंचालन सौ. जाधव मॅडम यांनी केले, तर श्री. साखरे सर यांनी आभार प्रदर्शन केले.
कार्यक्रमाची सांगता मान्यवरांच्या हस्ते वृक्षारोपण करून करण्यात आली. यावेळी मान्यवर पाहुणे, सरपंच, उपसरपंच, ग्रामपंचायत सदस्य, पालक, शिक्षकवृंद, शिक्षकेतर कर्मचारी आणि विद्यार्थी मोठ्या संख्येने उपस्थित होते.
स्वातंत्र्यदिनाच्या निमित्ताने विद्यार्थ्यांमध्ये देशप्रेम, शिस्त, सामाजिक बांधिलकी आणि पर्यावरण संवर्धनाची भावना रुजविण्याचा संदेश या कार्यक्रमातून देण्यात आला.
