सायकल सजवून शहरभर तिरंगा संदेश
श्रीरामपूर (प्रतिनिधी) : दत्तनगर येथील ट्रक चालक श्री. भाऊसाहेब त्रिभुवन (वय ६०) यांनी स्वातंत्र्यदिनाचे औचित्य साधून अनोख्या पद्धतीने देशभक्ती व्यक्त केली. त्यांनी आपली सायकल आकर्षक पद्धतीने सजवून तिरंगा व देशभक्तीपर संदेशासह शहरातून सायकल फेरी काढली.सायकलला राष्ट्रध्वजाच्या रंगाची सजावट करून त्यांनी नागरिकांचे लक्ष वेधून घेतले. वयाच्या साठाव्या वर्षीही देशभक्तीची ऊर्मी कायम असल्याचा संदेश त्यांच्या उपक्रमातून मिळाला. त्यांच्या या देशप्रेमाचे शहरातील नागरिकांकडून कौतुक होत आहे.
