उदगीर / प्रतिनिधी
श्रावण महिन्यात वेगवेगळे सण साजरे होत असताना येत्या श्रावण महिन्यातील पहिल्या सोमवारी नागपंचमी हा श्रावण महिन्यातील पहिला सन असून या दिवशी नागाची व वारुळाची पूजा केली जाते. मात्र, काही ठिकाणी नागांचे प्रदर्शन करुन गारुडी लोकांकडून नागांच्या जीवाशी खेळण्याचे प्रकार केले जात असतात. नागरिकांनी गारुडी मुक्त नागपंचमी साजरी करण्याचे आवाहन निसर्ग वन्यजीव
सर्पमित्रांचे सर्पमित्र श्याम पिंपरे, आशिष कल्लूरे, सोहेल खान, सर्पमित्र वनिता बोराडे सय्यद, योगेश तेलंगे, राजेंद्र बरगे, प्राणीमित्र बी.जी.शिंदे, प्राणीप्रेमी, पक्षीमित्र, पक्षी मित्र संवर्धन समाजसेवक बालासाहेब गोविंदराव शिंदे अतनूरकर तसेच जनक्रांती डोंगरी विकास बहुउद्देशीय सेवाभावी संस्था, सामाजिक संस्थेचे अध्यक्ष एस.जी.शिंदे, पंख फाउंडेशनच्या अध्यक्षा सीमा पुनमिया यांनी जिल्ह्यातील नागरिकांना आवाहन केले आहे. नागपंचमीच्या दिवशी महिला वारुळाची पूजा करतात. नागाला दूध पाजण्याच्या भावनेने वारूळावर दूध ओततात. मात्र, ही बाब अंधश्रद्धा आहे.
