परभणी : प्रतिनिधी
राष्ट्रवादी काँग्रेस पार्टी – शरदचंद्र पवार पक्षाच्या परभणी सेवादल शहर जिल्हाध्यक्षपदी शेख अल्ताफ यांची निवड करण्यात आली आहे. परभणी जिल्हाध्यक्ष अजय भैय्या गव्हाणे तसेच अल्पसंख्याक विभाग महाराष्ट्र प्रदेश उपाध्यक्ष रहमान खान पठाण यांच्या शिफारशीवरून ही नियुक्ती करण्यात आली.
मुंबई येथील राष्ट्रवादी भवनात पक्षाचे प्रदेशाध्यक्ष शशिकांतजी शिंदे साहेब आणि सेवादल प्रदेशाध्यक्ष गिरीश भाऊ सावंत यांच्या हस्ते शेख अल्ताफ यांना नियुक्तीपत्र प्रदान करण्यात आले.
या नियुक्तीबद्दल शेख अल्ताफ यांचे पक्षातील पदाधिकारी, कार्यकर्ते व समर्थकांकडून अभिनंदन करण्यात येत असून, आगामी काळात परभणी शहरात पक्षाच्या संघटनात्मक कार्याला अधिक बळकटी मिळेल, असा विश्वास व्यक्त करण्यात आला.
