ठेवी 118 कोटी, 15 लाख, तर कर्जे 75 कोटी, 30 लाख रुपये…..
प्रतिनिधी :दरिकांत कोळेकर.
कुरुंदवाड :-येथील राजर्षि शाहू नागरी सहकारी पतसंस्था कुरुंदवाड ही पतसंस्था भक्कम आर्थिक पायावर उभी आहे. सभासदांनी संस्थेवरील ठेवलेल्या ठाम विश्वासामुळे संस्थेने भरीव प्रगती साध्य केली आहे. संस्थेने चालू वर्षी ढोबळ नफा 1 कोटी, 97 लाख, 36 हजार रुपये मिळवला आहे. संस्थेस निव्वळ नफा 1 कोटी, 64 लाख, 44 हजार रुपये इतका झाला आहे. संस्थेने 12 टक्के लाभांश जाहीर केला आहे. संस्थेचा एन.पी.ए. शून्य टक्के आहे. संस्थेस लेखापरीक्षणात ‘ अ ‘ वर्ग मिळाला आहे. अशी माहिती संस्थेचे चेअरमन महावीर पोमाजे यांनी दिली.जैन सांस्कृतिक भवन येथे आयोजित “राजर्षि शाहू नागरी सहकारी पतसंस्थेच्या 35 व्या वार्षिक सर्वसाधारण सभेच्या अध्यक्षपदावरून बोलताना सांगितले .
पतसंस्थेचे चेअरमन पोमाजे म्हणाले की,संस्थेच्या एकूण ठेवी 118 कोटी, 15 लाख, 50 हजार, 400 रुपये आहे. कर्जे 75 कोटी, 30 लाख, 75 हजार रुपये आहेत. कर्ज वसुली 98.92 %( टक्के) इतकी आहे. भांडवल पूर्ततेचा निकष (सी. आर. ए. आर.) 14.44 %(टक्के ) आहे. भागभांडवल 3 कोटी, 15 लाख, 83 हजार, 700 रुपये तर राखीव व इतर निधी 9 कोटी, 99 लाख, 47 हजार रुपये आहे. गुंतवणूक 56 कोटी, 4 लाख, 61 हजार रुपये आहे.
अहवाल वाचन मुख्य कार्यकारी अधिकारी संजय गजन्नावर व शाखाधिकारी विद्यासागर जुगळे यांनी केले.
या कार्यक्रमाचे स्वागत माजी चेअरमन दादासाहेब पाटील यांनी केले. ते यावेळी म्हणाले कमीत – कमी व्याज दरात कर्ज उपलब्ध व्हावे व ठेवीवर व्याज ज्यादा व्याजदराने मिळावे. असा संस्थेचा प्रयत्न आहे. संचालक व कर्मचारी ही संस्थेची दोन चाके आहेत. दोघांचा सहभाग सारखाच असला पाहिजे.
यावेळी व्हाईस चेअरमन विजयकुमार जोंग,संचालक रावसाहेब उगारे, ज्येष्ठ संचालक जिनगोंडा पाटील, किरण आलासे, आण्णासाहेब गुदले, धनपाल कोथळी, दौलत कांबळे, श्रीमती सुषमा अशोक उपाध्ये, सौ. पदमाराणी पाटील, सौ. आयेशा मिरअहंमद बागवान, धोंडीराम चौगुले याबरोबर आप्पासाहेब जोंग, दीपक पोमाजे, फारूक जमादार, वैभव उगळे, जवाहर पाटील, अरुण भबिरे, शरद आलासे आदी उपस्थित होते.
यावेळी संस्थेच्या वतीने गुणवंत विद्यार्थी, शंभर टक्के वसुली केलेल्या शाखा अधिकारी यांचा व मान्यवरांचा सत्कार करण्यात आला.
या कार्यक्रमाची सुरुवात छत्रपती शाहू महाराजांच्या प्रतिमेचे पूजन व दीप प्रज्वलन मान्यवरांच्या हस्ते करून करण्यात आली.
शेवटी आभार मुख्य कार्यकारी अधिकारी संजय गजन्नावर यांनी मानले.
