सालवा, ता. मौदा, जि. नागपूर
मौदा तालुक्यातील सालवा येथील ग्रामीण विकास विद्यालय व कनिष्ठ महाविद्यालयात ‘नशामुक्त भारत अभियान’ उत्साहात राबविण्यात आले. ईश्वरीय ब्रह्मकुमारी विश्व विद्यालय, कामठी केंद्राच्या वतीने या उपक्रमाचे आयोजन करण्यात आले होते.
कार्यक्रमाच्या अध्यक्षस्थानी विद्यालयाचे प्राचार्य राजेश आर. मोटघरे होते. प्रमुख मार्गदर्शक म्हणून ब्रह्मकुमारी केंद्र, कामठी येथील भगिनी उपस्थित होत्या. त्यांनी विद्यार्थ्यांना विविध व्यसनांचे शारीरिक, मानसिक आणि सामाजिक दुष्परिणाम याबाबत मार्गदर्शन केले.
तसेच राजयोग आणि सकारात्मक विचारांच्या माध्यमातून तणावमुक्त जीवन कसे जगता येते, याबाबतही विद्यार्थ्यांना मार्गदर्शन करण्यात आले. व्यसनांपासून दूर राहून निरोगी व सकारात्मक जीवनशैली अंगीकारण्याचे आवाहन यावेळी करण्यात आले.
कार्यक्रमाच्या शेवटी उपस्थित विद्यार्थी व शिक्षकांनी व्यसनमुक्त राहण्याची शपथ घेतली. यावेळी विद्यालयातील शिक्षक, शिक्षकेतर कर्मचारी तसेच मोठ्या संख्येने विद्यार्थी उपस्थित होते.
विद्यार्थ्यांमध्ये व्यसनमुक्तीबाबत जागृती निर्माण करण्यासाठी आयोजित करण्यात आलेला हा उपक्रम समाजोपयोगी ठरला.
