चिंचवड : प्रतिनिधी
अनिव्रत याचा वाढदिवस यंदा आगळ्यावेगळ्या पद्धतीने पांजरपोळ येथील पताशीबाई रतनचंद मानव कल्याण ट्रस्टच्या अंध मुलांच्या शाळेत खेळीमेळीच्या आणि आनंददायी वातावरणात साजरा करण्यात आला.
वाढदिवसाच्या निमित्ताने अंध विद्यार्थ्यांसोबत वेळ घालवत आनंदाचे क्षण साजरे करण्यात आले. या उपक्रमातून वाढदिवसाला सामाजिक बांधिलकीची जोड देत विद्यार्थ्यांसोबत आनंद वाटण्यात आला.
यावेळी ई-विंगचे अध्यक्ष सुनील दौडकर साहेब, कोअर टीमचे सदस्य तसेच सर्व सहकारी मित्र उपस्थित होते. त्यांच्या उपस्थितीमुळे कार्यक्रमाला विशेष आनंदाची रंगत आली.
या उपक्रमासाठी उपस्थित राहून सहकार्य करणाऱ्या सुनील दौडकर साहेब, कोअर टीम सदस्य आणि सर्व सहकारी मित्रांचे मनःपूर्वक आभार, अशी भावना यावेळी व्यक्त करण्यात आली.
