बीड | प्रतिनिधी
पोत्रा येथे १ ऑगस्ट २०२६ रोजी झालेल्या मारामारीच्या घटनेप्रकरणी नेकनूर पोलीस ठाण्यात दाखल करण्यात आलेल्या फिर्यादीच्या अनुषंगाने अशोक रामचंद्र हावळे आणि स्वाती हावळे यांनी अटकपूर्व जामिनासाठी न्यायालयात अर्ज दाखल केला होता.
फिर्यादीनुसार, घरगुती वादातून शिवीगाळ व मारामारी झाल्याचे तसेच या घटनेत फिर्यादी व त्यांच्या पतीला दुखापत झाल्याचे नमूद करण्यात आले आहे. घटनेनंतर उपचारासाठी त्यांना शासकीय रुग्णालयात दाखल करण्यात आल्याचे फिर्यादीत नमूद आहे.
या प्रकरणात अशोक रामचंद्र हावळे आणि स्वाती हावळे यांच्या वतीने अटकपूर्व जामिनासाठी न्यायालयात अर्ज दाखल करण्यात आला. आरोपींच्या वतीने ॲड. यशवंत नवनाथ मुंढे यांनी न्यायालयासमोर बाजू मांडत प्रकरणातील वस्तुस्थिती आणि उपलब्ध कागदपत्रांच्या आधारे कायदेशीर युक्तिवाद केला.
दोन्ही बाजूंचा युक्तिवाद ऐकल्यानंतर न्यायालयाने अशोक रामचंद्र हावळे आणि स्वाती हावळे यांना अटकपूर्व जामीन मंजूर केला.
या प्रकरणात ॲड. यशवंत नवनाथ मुंढे यांनी काम पाहिले, तर ॲड. दीपक कुलकर्णी यांनी सहकार्य केले.
