शहादा महाविद्यालयात ‘आर्थिक दुर्बल घटक विद्यार्थी अर्थसहाय्य’ योजनेचे धनादेश वाटप.

शहादा,दि.24 (प्रतिनिधी):
कवयित्री बहिणाबाई चौधरी उत्तर महाराष्ट्र विद्यापीठाच्या विद्यार्थी विकास विभागाद्वारे पूज्य साने गुरुजी विद्याप्रसारक मंडळाच्या कला, विज्ञान व वाणिज्य महाविद्यालयात आर्थिक दुर्बल घटक विद्यार्थी अर्थसहाय्य योजनेचे धनादेश वितरण करण्यात आले. महाविद्यालयाचे प्राचार्य प्रा. डॉ. एम. के. पटेल यांच्या हस्ते लाभार्थी विद्यार्थ्यांना हे धनादेश प्रदान करण्यात आले.

या वेळी विद्यार्थी विकास अधिकारी डॉ. आर. एस. माळी व डॉ. खुमानसिंग वळवी उपस्थित होते.महाविद्यालय विद्यापीठाच्या सहकार्याने गरजू, होतकरू व गरीब विद्यार्थ्यांना शिक्षण घेता यावे आणि शिकण्याची प्रेरणा मिळावी म्हणून नेहमी विविध योजना राबवून आर्थिक मदत पुरवत असते. शैक्षणिक वर्ष 2025-26 मध्ये या योजनेअंतर्गत महाविद्यालयातील 11 विद्यार्थ्यांना एकूण 54,500 रुपयांची आर्थिक मदत मिळाली आहे.या योजनेचा प्रस्ताव महाविद्यालयातील विद्यार्थी विकास अधिकारी डॉ. आर. एस. माळी यांनी प्राचार्य डॉ. एम. के. पटेल यांच्या मार्गदर्शनाखाली तयार केला होता. ही मदत मिळवून देण्यासाठी विद्यापीठाच्या विद्यार्थी विकास विभागाचे संचालक डॉ. प्रवीण न. महाले, नंदुरबार जिल्हा संयोजक डॉ. व्ही. ओ. शर्मा, सहाय्यक विद्यार्थी विकास अधिकारी डॉ. जगदीश चव्हाण व महिला विद्यार्थी विकास अधिकारी डॉ. सारिका फुलपगारे यांनी विशेष सहकार्य केले.

सर्व लाभार्थी विद्यार्थ्यांचे पूज्य साने गुरुजी विद्या प्रसारक मंडळाचे अध्यक्ष दीपकभाई पाटील, उपाध्यक्ष जगदीश पाटील, समन्वयक प्रा. मकरंद पाटील, शहादा नगरपालिकेच्या उपाध्यक्षा सौ. माधवीताई पाटील, कृषी उत्पन्न बाजार समितीचे संचालक मयूरभाई पाटील, प्राचार्य प्रा. डॉ. एम. के. पटेल व उपप्राचार्य डॉ. एस. डी. सिंदखेडकर यांनी अभिनंदन करून पुढील वाटचालीस शुभेच्छा दिल्या.