कर्जत:
अल्पावधीतच संपूर्ण महाराष्ट्रात ग्राहकांच्या विश्वासावर आपला नावलौकिक निर्माण करणाऱ्या ‘एम. प्रकाश ऑइल इंडस्ट्रीज’ या कंपणीच्या कर्जत शाखेचा प्रथम वर्धापन दिन मंगळवार, २५ ऑगस्ट रोजी मोठ्या उत्साहात साजरा होत आहे. दर्जेदार उत्पादने आणि तत्पर सेवा यांमुळे या ऑइल इंडस्ट्रीजने अल्पावधीतच ग्राहकांच्या मनावर अधिराज्य गाजवले आहे.
या प्रथम वर्धापन दिनाचे औचित्य साधून संस्थेचे चेअरमन श्री. महादेव सुरवसे ,कंपनी चे सी ई ओ प्रा राम काळे सर व्हा चेअरमन श्री मच्छिंद्र गव्हाणे यांनी सर्व ग्राहकांचे, हितचिंतकांचे आणि वितरकांचे मनःपूर्वक आभार मानले आहेत. “ग्राहकांनी दाखवलेला विश्वास आणि दिलेला खंबीर पाठिंबा यामुळेच संस्थेला अल्पावधीत ही प्रगती साधता आली,” अशी कृतज्ञतेची भावना त्यांनी व्यक्त केली.
गुणवत्तेशी कधीही तडजोड न करण्याच्या धोरणामुळे आज संपूर्ण महाराष्ट्रात ‘एम. प्रकाश ऑइल इंडस्ट्रीज’चे नाव आदराने घेतले जात आहे. ग्राहकांच्या पसंतीस उतरल्यामुळे या उद्योगाची घोडदौड वेगाने सुरू आहे.
या वर्धापन दिनानिमित्त ग्राहकांच्या आणि हितचिंतकांच्या वतीनेही उद्योगाला भरभरून शुभेच्छा दिल्या जात आहेत. “या व्यवसायात आपण अशीच उत्तरोत्तर प्रगती करत व्यवसायाच्या अत्युच्च शिखरावर पोहोचावे,” अशा सदिच्छा ग्राहकांकडून व्यक्त केल्या जात आहेत. पुढील काळातही ग्राहकांची हीच पसंती आणि विश्वास सार्थ ठरवण्यासाठी संस्था कटिबद्ध राहील, असा विश्वास व्यवस्थापनाने व्यक्त केला आहे.
