परतूर (प्रतिनिधी):
आंतरराष्ट्रीय कृष्णभावनामृत संघ (इस्कॉन, जालना) यांच्या वतीने बुधवार, दिनांक २६ ऑगस्ट २०२६ रोजी ‘श्रीकृष्ण जन्माष्टमी महामहोत्सव-२०२६’ चे भव्य आयोजन करण्यात आले आहे. शहरात वरद विनायक मंगल कार्यालय, मेन रोड, परतूर येथे हा भक्तिमय सोहळा संपन्न होणार आहे.
कार्यक्रमात प्रमुख कथावाचक म्हणून श्रीमान प्राणगोपीनाथ दास (प्रभुजी) (ब्रह्मचारी, इस्कॉन मंदिर चौपाटी मुंबई – B.Tech Electronic Eng.) यांचे अध्यात्मिक निरूपण लाभणार आहे. तसेच श्रीमान रासगोविंद दास (प्रभुजी) (मॅनेजर, इस्कॉन जालना – BSL, LLM, DLL, DIPR, DADRS) यांचे विशेष मार्गदर्शन लाभणार आहे.
दिवसभराचे विशेष वेळापत्रक:
- नगर संकीर्तन: सकाळी ०९:०० ते ११:००
- सांस्कृतिक कार्यक्रम: दुपारी ०३:०० ते ०४:००
- अभिषेक: दुपारी ०४:०० ते ०५:००
- प्रवचन: सायंकाळी ०५:०० ते ०६:००
- महाआरती: सायंकाळी ०६:०० ते ०६:३०
- महाप्रसाद: रात्री ०६:३० ते ०८:३०
याशिवाय, दर गुरुवारी सायंकाळी ०६:३० ते ०८:३० या वेळेत ‘हरे कृष्ण सत्संग केंद्र, MSEB ऑफिस समोर, मेन रोड, परतूर’ येथे नियमित सत्संग व महाप्रसादाचे आयोजन केले जाते.
हा भव्य कार्यक्रम यशस्वी करण्यासाठी अनेक कार्यकर्ते व भाविक अथक परिश्रम घेत आहेत.
या महामहोत्सव प्रसंगी सर्व भाविकांनी सहपरिवार व इष्टमित्रांसह उपस्थित राहून भगवान श्रीकृष्णाच्या आशीर्वादाचा लाभ घ्यावा, असे आवाहन इस्कॉन परतूरचे जन्माष्टमी चे अध्यक्ष कृष्णा सोनवणे (८३०८०५००६०) आणि उपाध्यक्ष वीरराघव दास (प्रभुजी) (७२७६७३९९७४) यांनी केले आहे.
