प्रतिनिधी.- दरिकांत कोळेकर
कुरुंदवाड :-येथील
कुरुंदवाड शहरातील वापरलेल्या पाण्याचे शास्त्रोक्त व्यवस्थापन करणे. या प्रकल्पासह नवीन पाणीपुरवठा योजनेस जागतिक बँकेंच्या सहाय्याने पाणीपुरवठा करणे. सांडपाणी व्यवस्थापन व पुनर्वापर योजनेअंतर्गत सादर करण्यास नगरपरिषदेच्या विशेष सभेत मंजुरी देण्यात आली. या विशेष सभेच्या अध्यक्षस्थानी नगराध्यक्षा मनीषा डांगे होत्या.
शहरातील वापरलेल्या पाण्याचे शास्त्रोक्त पद्धतीने संकलन, वाहतूक, प्रक्रिया, विलगीकरण व पुनर्वापर करण्यासाठी स्वच्छ भारत अभियान (नागरी) २.० अंतर्गत प्रकल्प राबविण्यात येणार आहे. यामध्ये मलजल प्रक्रिया केंद्र, मलजल वाहिनीचे जाळे, नाल्यांमधील सांडपाणी अडवून वळविण्याची व्यवस्था, उपसा केंद्र तसेच विद्युत, यांत्रिक व मोजमाप नियंत्रणाची कामे करण्यात येणार आहेत. पाच दशलक्ष लिटर प्रतिदिनपेक्षा कमी क्षमतेच्या प्रकल्पासाठी शासनाने नियुक्त केलेल्या पर्यावरणीय पायाभूत सुविधा अभियंता संस्थेसोबत नगरपरिषदेने करार करण्यासही मान्यता दिली..
कुरुंदवाडची नवीन पाणीपुरवठा योजना जागतिक बँकेंच्या साह्याने महाराष्ट्र नागरी पाणीपुरवठा, सांडपाणी व्यवस्थापन व पुनर्वापर योजनेअंतर्गत शासनाकडे सादर करण्यास मंजुरी मिळाली आहे. १३५ लिटर प्रतिमाणसी पाणी मागणीच्या आधारे तयार केलेल्या या योजनेस महाराष्ट्र जीवन प्राधिकरणाची ४९ कोटी, ४२ लाख, १७ हजार, ८०० रुपयांची तांत्रिक मान्यता या पूर्वीच मिळाली आहे. योजनेसाठी आवश्यक वाढीव पाणी आरक्षणही मंजूर झाले आहे.या योजनेसाठी
नगरपरिषदेचा पाच टक्के स्वहिस्सा २ कोटी, ४७ लाख, १० हजार, ८९० रुपये आहे. हा निधी विविध शासकीय अनुदानातून उपलब्ध करून घेण्यासाठी शासनाकडे पाठपुरावा करण्यात येणार आहे.
यावेळी मुख्याधिकारी मनोज देसाई, नगरसेवक रमेश भुजुगडे, दीपक गायकवाड, दीपक परिट, जय कडाळे, अक्षय आलासे, जवाहर पाटील, वैभव उगळे, संगीता कर्नाळे, अलका पाटील, विमल पोमाजे, सुनंदा आलासे, जयश्री पाटील, सुजाता जाधव, रुकसाना बागवान, आयेशा बागवान, अलका मधाळे, जुवेरिया गोलंदाज, विजय पाटील, शुभम जोंग आदी उपस्थित होते.
