हनुमंत खांडेकर यांच्या नेतृत्वाखाली टेंभुर्णी–अकलूज एसटी बससेवा सुरू
टेंभुर्णी : राष्ट्रीय समाज पक्षाच्या मागणीला अखेर यश आले असून, माढा तालुका अध्यक्ष हनुमंत खांडेकर यांच्या नेतृत्वाखाली टेंभुर्णी ते अकलूज नवीन एसटी बससेवा आजपासून सुरू करण्यात आली.
टेंभुर्णी बसस्थानकातून या बससेवेची पहिली फेरी सोडण्यात आली. यावेळी टाकळी येथे राष्ट्रीय समाज पक्ष आणि टाकळी ग्रामस्थांच्या वतीने बसचे पूजन करून चालक व वाहकांचा सत्कार करण्यात आला.
राष्ट्रीय समाज पक्षाने केलेल्या मागणीची तातडीने दखल घेऊन बससेवा सुरू केल्याबद्दल टेंभुर्णी बसस्थानकाच्या व्यवस्थापकांचे आभार मानण्यात आले.
ही बससेवा टेंभुर्णी–आढेगाव–वडोली–चांदज–टाकळी (टे)–गार अकोले–बावडा मार्गे अकलूज अशी राहणार आहे. त्यामुळे परिसरातील विद्यार्थी, महिला, ज्येष्ठ नागरिक, शेतकरी तसेच सर्वसामान्य प्रवाशांना मोठी वाहतूक सुविधा उपलब्ध होणार आहे.
यावेळी राष्ट्रीय समाज पक्षाचे नेते आजीनाथ गोफणे, जिल्हा उपाध्यक्ष बाळासाहेब नगरे, युवक जिल्हाध्यक्ष दत्ता काळे, माढा तालुका अध्यक्ष हनुमंत खांडेकर, पक्षाचे पदाधिकारी, कार्यकर्ते तसेच टाकळी येथील ग्रामस्थ मोठ्या संख्येने उपस्थित होते.
“मागणीला यश मिळाले; आता प्रवाशांना सुविधेचा लाभ!”
टेंभुर्णी–अकलूज बससेवेमुळे परिसराच्या दळणवळणाला नवी गती.
