जळोद ते अमळनेरपर्यंत पायी प्रवास; भाविकांसह महिलांचा मोठा सहभाग
अमळनेर | प्रतिनिधी
विद्या विहार कॉलनीतील विद्येश्वर महादेव मंदिराच्या वतीने बुधवार, दि. २६ ऑगस्ट २०२६ रोजी आयोजित करण्यात आलेली जळोद ते विद्येश्वर महादेव मंदिर, अमळनेर ही पायी कावड यात्रा मोठ्या उत्साहात व भक्तिमय वातावरणात संपन्न झाली.
महादेवाच्या जयघोषात भाविकांनी जळोद येथून यात्रेला सुरुवात केली. पायी प्रवास करत भाविकांनी विद्येश्वर महादेव मंदिर गाठले. संपूर्ण यात्रेदरम्यान भक्तिमय वातावरण निर्माण झाले होते. महिला भाविकांनीही मोठ्या संख्येने सहभाग घेत यात्रेची शोभा वाढवली.
यात्रेदरम्यान अंमळगाव येथे जयंत पाटील यांच्या वतीने भाविकांसाठी भोजनाची व्यवस्था करण्यात आली होती. या सेवेमुळे यात्रेकरूंना मोठा आधार मिळाला. सामाजिक बांधिलकी जपत विविध कार्यकर्ते व भाविकांनी यात्रेच्या आयोजनात सहभाग घेतला.
या कावड यात्रेत सामाजिक कार्यकर्ते रवि पाटील यांच्यासह संजय पाटील, अशोक साळुंखे, अमोल पाटील, सुनील शिगांणे, राहुल सोनवणे, प्रवीण गुजर, विवेक तेले, कल्पेश साळुंखे, नरेंद्र गुजर, प्रवीण महाजन, विवेक पाटील, सागर पाटील, सनी पाटील, सचिन सोनवणे, मोहित पवार, भगीरथ पाटील, अनिल शिगांणे, चेतन पाटील, प्रवीण वाघ, सुभाष चव्हाण, दीपक गुजर, सिद्धार्थ पाटील यांच्यासह महिला व भाविक मोठ्या संख्येने सहभागी झाले होते.
कावड यात्रेच्या निमित्ताने भाविकांमध्ये उत्साहाचे वातावरण पाहायला मिळाले. भगवान विद्येश्वर महादेवाच्या दर्शनासाठी भाविकांनी श्रद्धेने सहभाग घेतला. भक्तिमय वातावरणात यात्रा यशस्वीरीत्या पार पडल्याने सहभागी भाविकांनी समाधान व्यक्त केले.
