अमळनेर | प्रतिनिधी
ईद-ए-मिलाद-उन-नबी ﷺ या पवित्र पर्वानिमित्त अमळनेर शहरात शांतता, सुव्यवस्था आणि सामाजिक भाईचारा कायम राहावा, यासाठी पोलीस प्रशासनाने केलेल्या उत्तम सहकार्याबद्दल समाधान व्यक्त करण्यात आले.
ईद-ए-मिलाद-उन-नबीचा उत्सव शांततेत आणि उत्साहात पार पडण्यासाठी प्रशासनाकडून चोख पोलीस बंदोबस्त ठेवण्यात आला होता. याबद्दल प्रशासनाचे आभार व्यक्त करताना Dy. SP विनायक कोते तसेच पोलीस स्टेशनचे पी.आय. दत्तात्रेय निकम यांचा सत्कार करण्यात आला.
यावेळी मा. नगरसेवक मुख्तार खाटीक, माजी नगरसेवक फिरोज मिस्तरी, मुस्लिम समाजाचे अध्यक्ष जनाब नासिर हाजी, जितू भाऊ ठाकूर, वरुण पाटील, शकील काझी, अझहर सय्यद, जुनेद शेख, मोईज सय्यद, जाकीर शेख, अस्लम तेलोरे, नबी दादा, अझहर शेख, वसीम पठाण, उझैफ पठाण यांच्यासह विविध मान्यवर व नागरिक उपस्थित होते.
अमळनेर शहरातील ईद-ए-मिलाद-उन-नबीचा उत्सव शांततेत पार पडण्यासाठी पोलीस प्रशासन तसेच नागरिकांनी दिलेले सहकार्य कौतुकास्पद असल्याचे यावेळी सांगण्यात आले.
अमन, शांती आणि एकतेचा संदेश देत सर्वांनी एकत्र येऊन सामाजिक सलोखा व भाईचारा जपावा, असे आवाहन यावेळी करण्यात आले.
