पंढरपूर तालुका प्रतिनिधी :-
प्रा. साईनाथ कुंभार
मा. आमदार बबनरावजी शिंदे साहेब यांच्या ७५ व्या अमृत महोत्सवी वाढदिवसानिमित्त नांदोरे येथील एस. पी. पब्लिक स्कूल व वेदांता अकॅडमी येथे विद्यार्थ्यांसाठी चित्रकला स्पर्धेचे उत्साहात आयोजन करण्यात आले. विद्यार्थ्यांच्या कलागुणांना वाव मिळावा, सर्जनशीलतेला चालना मिळावी आणि त्यांच्या सुप्त कलाविष्काराला व्यासपीठ मिळावे, या उद्देशाने ही स्पर्धा घेण्यात आली.
स्पर्धेप्रसंगी संस्थेचे संस्थापक डॉ. संतोष वलगे, सचिव अश्वराज वाघ, सहसचिव बाळासाहेब चव्हाण, खजिनदार विक्रम भिंगारे, प्रकल्प संचालिका वसंती वलगे, मुख्याध्यापिका स्वाती चव्हाण, उपमुख्याध्यापक कुणाल निंबाळकर, स्टेट कॅम्पस विभाग प्रमुख साईनाथ कुंभार , सी.बी.एस.इ कॅम्पस प्रमुख सचिन डोके , विभाग प्रमुख माऊली मोकळे यांची उपस्थिती लाभली.
या स्पर्धेत
विद्यार्थ्यांनी उत्स्फूर्त सहभाग नोंदवत आपल्या कल्पकतेला आणि कलात्मक कौशल्याला रंगांची सुंदर जोड दिली. विविध विषयांवरील आकर्षक चित्रांमधून विद्यार्थ्यांची सर्जनशीलता, कल्पनाशक्ती आणि कलादृष्टी प्रकर्षाने दिसून आली.
ही चित्रकला स्पर्धा यशस्वीरित्या पार पाडण्यासाठी कलाशिक्षक गणेश तळेकर, प्रदीप जाधव, गणेश साठे, सदानंद बनसोडे आदींनी विशेष परिश्रम घेतले.
विद्यार्थ्यांच्या कलागुणांना प्रोत्साहन देणारा आणि त्यांच्या सर्जनशीलतेला नवी दिशा देणारा हा उपक्रम उत्साहपूर्ण वातावरणात यशस्वीपणे संपन्न झाला.
