पेनुर गट क्रं. 650 व 624 मधील गायरान जमीन नविन प्रकल्पासाठी देण्यास गावकऱ्यांचा नकार.
लोहा,प्रतिनिधी
मौजे पेनुर ता. लोहा जि. नांदेड येथील गट क्रं.650 व 624 सरकारी गायरान जमीनीवर मागील 70 वर्षा पासून पेनुर येथील गोरगरीब कुटुंब व मागासवर्गीय व ईतर समाजाच्या या जमीनीवर कब्जा असून त्यांचे उदरनिर्वाहाचे साधन आहे. त्या जमीन इतर कोणत्याही प्रकल्पासाठी देण्यात आली तर त्यांच्या कुटुंबावर उपासमारीची वेळ येऊ शकते. त्यामुळे सर्व गावकरी व ग्रा.पं. सरपंच, उपसरपंच, ग्राम विकास अधिकारी, ग्रा.पं. सदस्य यांनी बैठक घेऊन पेनुर येथील गायरान जमीन इतर कोणत्याही प्रकल्पासाठी देण्यात येऊ नये असे सर्व गावकऱ्यांच्या संम्मतीने बहुमत ठरले आहे.
त्या गोरगरीब जनतेच्या जमीनी हिसकावुन घेऊन प्रकल्पासाठी देऊ नये अशी मागणी पेनुर गावकऱ्यांनी जिल्हाधिकारी यांच्याकडे निवेदनाद्वारे केली आहे.
चौकट
नवीन प्रकल्पांसाठी ग्रामपंचायतींच्या किंवा गावांच्या मालकीची गायरान जमीन (जनावरांच्या चरण्यासाठी राखीव जमीन) देण्यास गावातील ठिकाणच्या ग्रामस्थांचा व शेतकऱ्यांचा तीव्र विरोध होत आहे. गायरान जमीन ही प्रामुख्याने जनावरांच्या चऱ्यासाठी व वैरणीसाठी असते.नविन प्रकल्पामुळे जनावरांच्या चाऱ्याचा प्रश्न निर्माण होतो. ग्रामपंचायतींना किंवा स्थानिकांना अंधारात ठेवून अशा जमिनींचे व्यवहार किंवा निर्णय घेतले जात असल्याचा ग्रामस्थांचा आरोप केला आहे.
