शहादा,दि.३०
भारतीय जनता पक्षाचे नंदुरबार जिल्हा उपाध्यक्ष, शहादा तालुका खरेदी-विक्री संघाचे संचालक, नंदुरबार जिल्हा क्रिकेट असोसिएशनचे अध्यक्ष व पूज्य साने गुरुजी विद्या प्रसारक मंडळाचे समन्वयक प्रा. मकरंदभाई पाटील यांच्या वाढदिवसाच्या निमित्ताने स्थानिक कला, विज्ञान व वाणिज्य महाविद्यालयाच्या मैदानावर वेदांत स्पोर्ट्सद्वारे ‘बॉस क्रिकेट लीग’ स्पर्धेचे आयोजन करण्यात आले आहे.
सदर स्पर्धेचे उद्घाटन शहादा नगरपालिकेच्या उपनगराध्यक्षा सौ. माधवीताई मकरंद पाटील यांच्या शुभहस्ते चषकाचे अनावरण करून करण्यात आले.तसेच म्हसवाद पोलीस ठाण्याचे पोलीस निरीक्षक रमेश वावरे यांनी खेळपट्टीचे पूजन केले.याप्रसंगी नगरसेविका भगवती पाटील, नगरसेवक मुनेशभाऊ जगदेव, निलेश पाटील, दिनेश खंडेलवाल, वेदांत स्पोर्ट्सचे संचालक प्रतीक पटेल, महाविद्यालयाचे क्रीडा संचालक प्रा. डॉ. अरविंद कांबळे, प्रा. डॉ. महेश जगताप, प्रा. डॉ. जितेंद्र माळी आदी मान्यवर उपस्थित होते.उद्घाटनप्रसंगी बोलताना उपनगराध्यक्षा माधवीताई म्हणाल्या की, “खेळातूनच मानसिक तणाव कमी होतो आणि खेळाडूंमध्ये संघभावना निर्माण होत असते.
” या क्रिकेट स्पर्धेच्या भव्य आयोजनाबद्दल पूज्य साने गुरूजी विद्या प्रसारक मंडळाचे अध्यक्ष बापूसाहेब दीपकभाई पाटील, उपाध्यक्ष जगदीशभाई पाटील, समन्वयक प्रा. मकरंद पाटील व प्राचार्य डॉ. एम. के. पटेल यांनी आयोजन समितीचे कौतुक केले.स्पर्धेत पंच म्हणून रेहान, ओंकार पावरा व धनंजय पाटील यांनी काम पाहिले.कार्यक्रमाचे सूत्रसंचालन प्रा. डॉ. अरविंद कांबळे यांनी केले तर उपस्थितांचे आभार प्रा. डॉ. महेश जगताप यांनी मानले.
स्पर्धा यशस्वीतेसाठी दिलवर ठाकरे, आशिष सोनवणे, ओंकार साळुंखे, हर्षल सोनवणे, जयप्रकाश चौधरी व पृथ्वीराज ठाकरे यांनी विशेष परिश्रम घेतले.
