जळकोट : तालुक्यातील रेणू उमरगा येथे भारतीय जनता पक्षाचे प्रदेश सरचिटणीस तथा आमदार सुनील राणे यांनी शेतात जाऊन शेतकऱ्यांशी संवाद साधत त्यांच्या अडचणी व समस्या जाणून घेतल्या. शेतकऱ्यांच्या विविध समस्या सोडविण्यासाठी आवश्यक ती कार्यवाही करण्याचे आश्वासन त्यांनी यावेळी दिले.
आ. राणे यांनी अमृत केंद्रे यांच्या शेताला भेट देऊन शेतीची पाहणी केली. यावेळी वन्यप्राण्यांपासून पिकांचे संरक्षण करण्यासाठी शेताभोवती कंपाऊंड करण्याच्या कामासाठी ५० टक्के अनुदान मिळवून देण्यासाठी प्रयत्न करण्याचे तसेच शेतकऱ्यांना पीक विम्याबाबतही मदत करण्याचे आश्वासन त्यांनी दिले.
शेतकऱ्यांनी वन्यप्राण्यांमुळे होणारे पिकांचे नुकसान, शेतीसंबंधी अडचणी तसेच विविध समस्यांबाबत आ. राणे यांच्याशी चर्चा केली. शेतकऱ्यांच्या समस्या समजून घेऊन त्यावर योग्य तोडगा काढण्यासाठी प्रयत्न केले जातील, असे त्यांनी सांगितले.
यावेळी माजी जिल्हा परिषद अध्यक्ष राहुलभैया केंद्रे, किरण पाटील कव्हेकर, गणेश हाके, बापू राठोड, दत्ताप्रसाद जाधव, तालुका भाजपा अध्यक्ष सत्यवान पांडे, अमृत केंद्रे, सोमेश्वर सोप्पा, किशन धुळशेटे, रमाकांत रॉयवार, अरविंद नागरगोजे, अविनाश नळदवार, ईश्वर गुटे, बालाजी तिडके, भाऊराव कांबळे, शिवशंकर घुळशेटे यांच्यासह पत्रकार उपस्थित होते.
