संत ज्ञानेश्वर माध्यमिक व उच्च माध्यमिक विद्यालय वाहेगाव साळ ता चांदवड जि नाशिकस्व. रंजनाताई मंडलिक स्मृतीदिनानिमित्त प्रा.श्री वसंत हंकारे यांचे व्याख्यान

आज दिनांक 29 ऑगस्ट रोजी विद्यालयात स्व. रंजनाताई मंडलिक स्मृतिदिन मोठ्या उत्साहात साजरा करण्यात आला कार्यक्रमासाठी एन एस मंडलिक सौ रंजनाताई मंडलिक श्री विनायक भाऊ मंडलिक शुभांगी मंडलिक भावना मंडलिक यांचे सह मंडलिक परिवाराचे स्नेही नातलग सर्व मान्यवर उपस्थित होते
कार्यक्रमाच्या अध्यक्षस्थानी
ह भ प श्री मारुती महाराज खैरे हे होते. स्मृती दिनानिमित्त दरवर्षीप्रमाणे विद्यालयात विविध कला गुण स्पर्धांचे आयोजन करण्यात येते या स्पर्धांमध्ये उत्तम प्राविण्य मिळविलेल्या विद्यार्थ्यांचा याप्रसंगी मंडलिक परिवारातर्फे उपस्थित मान्यवरांचे हस्ते सन्मानचिन्ह व प्रशस्तीपत्र देऊन गुणगौरव करण्यात आला यामध्ये सांघिक खेळ वैयक्तिक खेळ , चित्रकला स्पर्धा, निबंध स्पर्धा, वक्तृत्व स्पर्धा , अशा अनेक स्पर्धांचे आयोजन करण्यात आले होते. तसेच एस.एस.सी परीक्षा मार्च 2026 मध्ये प्रथम पाच क्रमांकाचे विद्यार्थ्यांचा देखील याप्रसंगी गुणगौरव करण्यात आला यामध्ये तनुजा कोल्हे, धनश्री खैरे ,समृद्धी गाढे ,श्रेयस टोपे ,प्राप्ती देवडे या विद्यार्थिनींचा याप्रसंगी सन्मानचिन्ह व प्रशस्तीपत्र देऊन गुणगौरव करण्यात आला.
तसेच इ. 7वी स्कॉलरशिप परीक्षा 2026 मध्ये उत्तम प्राविण्य मिळविलेले दर्शन खैरे व तनिष्का पाटोळे या विद्यार्थ्यांचा देखील मान्यवरांच्या हस्ते गुणगौरव करण्यात आला. याप्रसंगी विद्यालयाचे शिक्षक श्री दीपक महाले यांनी आपल्या आईच्या स्मरणार्थ विद्यालयास एलसीडी प्रोजेक्टर भेट दिला.

याप्रसंगी युवा व्याख्याते समाज प्रबोधनकार प्रा श्री वसंत हंकारे सर यांचे व्याख्यान आयोजित करण्यात आले होते प्राध्यापक श्री वसंत हंकारे यांनी महापुरुषांना वंदन करून कार्यक्रमाची सुरुवात केली याप्रसंगी हंकारे सर यांनी माणसातील माणुसकी कशी हरवली आहे माणसाने परिवर्तनासाठी तरुणांनी व्यसनापासून दूर कसे राहावे व आपल्या आई बापाच्या कष्टाची जाणीव ठेवताना आपल्या आई बापाची स्वप्नपूर्ती पूर्ण करण्यासाठी कसे कष्ट घ्यावेत हे विद्यार्थ्यांना याप्रसंगी पटवून दिले याप्रसंगी आपल्या भावस्पर्शी व्याख्यानातून अनेक ग्रामस्थ व विद्यार्थ्यांना अश्रू अनावर झाले होते.
कार्यक्रमासाठी महात्मा फुले सांस्कृतिक कला क्रीडा व शिक्षण संस्थेचे अध्यक्ष उपाध्यक्ष व सर्व संचालक मान्यवर तसेच विद्यालयाचे मुख्याध्यापक, पर्यवेक्षक , शिक्षक व शिक्षकेतर कर्मचारी तसेच गावचे सरपंच, पोलीस पाटील, ग्रामस्थ तसेच केंद्रप्रमुख सचिन कडलक सर संजय खैरनार आदी मान्यवरांसह परिसरातील पालक व माजी विद्यार्थी मोठ्या संख्येने उपस्थित होते.