उरण तालुक्यातील आवरे गावातील आमचे परम मित्र श्री अशोक पाटील हे पंचक्रोशीतील गायक आणि ढोल वादक म्हणून प्रसिद्ध आहेत. त्यांच्या घरी नारळी पौर्णिमेच्या सणानिम्मित मंगला गौरीचे आगमन झाले होते. यानिम्मित संपूर्ण कुटुंबीय आणि भाविकांनी मोठ्या भक्तिभावाने मंगला गौर मातेचे विधिवत पारंपरिक पद्धतीने पूजन केले. सामाजिक कार्यकर्ते श्री अरुण गावंड यांनी देखील आपल्या कुटुंबीयांसोबत मंगला गौरी मातेच दर्शन घेतले.
पाटील कुटुंबीयांची मंगलागौर प्रसिद्ध असून मोठ्या श्रद्धेने ते दरवर्षी हा पारंपारिक मंगला गौर उत्सव साजरा करतात. यावेळी सामाजिक कार्यकर्ते हरिश्चंद्र पाटील (एच पी), अरुण गावंड, कृष्णा पाटील, रवींद्र पाटील, अनिता पाटील यांनी मंगला गौरीची पारंपरिक आगरी कोळीगीते सादर केली यावेळी महिलांनी पारंपरिक गीतांवर ठेका धरला व नृत्य केले.आपली आगरी लोकपरंपरा जपण्याचा प्रयत्न ते गेली 20 ते 25 वर्षे सातत्याने करीत आहेत. यावेळी आवरे गावातील ग्रामस्थ मोठ्या संख्येने उपस्थित होते.
