लोहा /वार्ताहर
लोहा कंधार विधानसभा मतदारसंघाचे लोकप्रिय आमदार, महाराष्ट्र उपविधान समितीचे अध्यक्ष आ.प्रतापराव पाटील चिखलीकर यांची जिल्हा बँकेवर संचालक पदी निवड झाल्याबद्दल सिद्धार्थ नगर मित्र मंडळ व नागरिकांच्या वतीने सत्कार करण्यात आला. सिद्धार्थ नगर मित्र मंडळाचे अध्यक्ष तथा आमदार चिखलीकर यांचे विश्वासू कार्यकर्ते अशोकभाऊ सोनकांबळे यांच्या माध्यमातून, सिद्धार्थ नगर मधील विविध समस्यांचे संदर्भाने शिष्टमंडळाने निवेदन देऊन विस्तृत चर्चा करण्यात आली. सिद्धार्थ नगर मधील महिला मंडळ व नागरिकांनी आपल्या अडीअडचणी साहेबांसमोर मांडल्या. आ चिखलीकर यांनी सर्व नागरिकांच्या व महिलांच्या समस्या ऐकून घेऊन संबंधित समस्या सोडवण्यास संदर्भाने आश्वासन दिले., तसेच सिद्धार्थ नगर मधील पाण्याच्या प्रश्नासंदर्भात तातडीने एक बोअर पाडून देण्यासाठी आदेश देऊन सिद्धार्थ नगर मधील नागरिकांचा प्राण्याचा प्रश्न कायमचा मिटवला व येणाऱ्या पाच वर्षांमध्ये नगर परिषदेच्या माध्यमातून सिद्धार्थ नगर चा कायापालट केला जाईल असे आश्वासित केले.
अनेक वर्षापासून पावसाळ्यामध्ये त्रासदायक ठरणाऱ्या सिद्धार्थ नगर मधून वाहणाऱ्या नाल्याचाही प्रश्न कायमचा मिटवला असून, लवकरच नाल्याच्या बांधकामा संदर्भात ठोस पाऊले उचलली जातील असे आ. चिखलीकरांनी बोलताना शिष्टमंडळास सांगितले. सिद्धार्थ नगर मधील नाल्याचा प्रश्न तसेच पाण्याचा प्रश्न व नागरिकांच्या विविध समस्या सोडवण्यासाठी दाखवलेला तत्परतेबद्दल त्याबद्दल आ चिखलीकर यांचे नागरिकांच्या वतीने आभार व्यक्त करण्यात आले.
यावेळी राष्ट्रवादी काँग्रेस पक्षाचे युवा नगरसेवक अविनाश पाटील पवार, सिद्धार्थ नगर मित्र मंडळाचे अध्यक्ष तथा राष्ट्रवादी काँग्रेस पार्टीचे कार्यकर्ते अशोक भाऊ सोनकांबळे, युवा नेते बबनदादा कांबळे, विनोद कापुरे, तावनाजी कोकरे, राम पोहणवार,रवी वाघमारे,बंडा कापुरे,जमील कुरेशी, त्रंबक मामा कदम, गोविंद कानडे, अशोक लोंढे,संजय जाधव,सुनील हटकर,अनिल पाटील कदम,श्याम दाढेल,ज्ञानू भिसे, गोविंद देवके, गफार कुरेशी, हबीब शेख,राजू ठेवरे, राजू नामोळे,आनंद कानोडे, ईश्वर जोरुळे, राजू कंधारे, शब्बीर शेख यांच्यासह नगरांमधील महिला मंडळ मोठ्या प्रमाणामध्ये उपस्थित होते.
