प्रतिनिधी:-दरिकांत कोळेकर.
कुरुंदवाड :-शिरोळ तालुक्यातील तेरवाड येथील ज्ञानभारती एज्यूकेशन सोसायटी कुरुंदवाड संचलित प्राथमिक व माध्यमिक आश्रम शाळा तेरवाड ता. शिरोळ. या शाळेत शिवाजी चव्हाण ( बापू )यांची जयसिंगपूर कृषि उत्पन्न बाजार समितीच्या सभापती पदी निवड झाल्याने तसेच सौ. श्रद्धा अविनाश गायकवाड यांची समाज कल्याण विभाग जि. प. कोल्हापूरच्या सभापती पदी निवड झाल्याने यांचा सत्कार शिरोळ तालुक्याचे लाडके कार्यसम्राट आमदार राजेंद्र पाटील – यड्रावकर यांच्या हस्ते करण्यात आले.
सदर कार्यक्रमाची सुरुवात पाहुण्यांच्या हस्ते फोटो पूजन करून शाळेचे मुख्याध्यापक बाबासाहेब तिबिले यांनी प्रस्तावना केली व मान्यवरांच्या कडून शाळेसाठी 4 संच स्मार्ट कॉम्पुटरची मागणी करण्यात आली.
यावेळी आश्रम शाळेतील गरजू विध्यार्थ्यांना लायन्स क्लब ऑफ कुरुंदवाड यांच्या वतीने चष्मा वाटप करण्यात आला.
या कार्यक्रमाचे अध्यक्षा संस्थेच्या सचिव व जयसिंगपूर कृषि उत्पन्न बाजार समितीच्या उपसभापती सौ.माधुरीताई बाबासाहेब सावगावे ह्या होत्या स्वागत केले बाबासाहेब सावगावे यांनी शाळेचा पूर्ण आढावा सांगितला. मा. आमदार राजेंद्र पाटील – यड्रावकर यांनी शासन स्तरावर जी काही मदत लागील ते सहकार्य करू शासन निर्णयाप्रमाणे इ.1 ली ते 12 वी पर्यंत नैसर्गिक वर्ग वाढीने मान्यता देण्याचे नवीन शैक्षणिक धोरण,आराखडयात मान्यता देण्यात आली आहे. त्यानुसार मी वैयक्तिक लक्ष घालून पूर्तता करेन असे आश्वासन दिले.लायन्स क्लब च्या वतीने शाळेतील विदयार्थ्यांना तपासणी करून चष्मे वाटप करण्यात आले तसेच कै. शामराव पाटील-यड्रावकर,यांच्या पुण्यतिथी निमित्य तालुक्यातील सर्वांचे नेत्र तपासणी करून चष्मे विनामूल्य देण्यात येईल.असे मनोगतात म्हणाले,
तसेच सौ श्रद्धा गायकवाड यांनी आपल्या मनोगतात शाळा माझ्या घरा शेजारी असून समाज कल्याण सभापती म्हणून शाळेस लागेल ती मदत करीन. तसेच आपल्या नेत्याच्या हस्ते सत्कार झाला यांचा सार्थ अभिमान आहे. असे म्हणाल्या.
या कार्यक्रमास फोटो पूजन मान्यवरांच्या हस्ते करण्यात आले झोन चेअरमन लायन्स क्लब. रमा बोहरा, रिजन चेअरमन ला. महेंद्र बल्लाळ, लायन्स क्लब.इत्यादी मान्यवर उपस्थित होते,
दरम्यान सत्कार मूर्तीचा सत्कार करण्यात आला मा.शिवाजी चव्हाण, सौ. श्रद्धा गायकवाड,निलेश साळुंखे, आकाश माने,कु प्रांजली प्रकाश सावगावे. यांचा विशेष सत्कार करण्यात आला.यांनी आकाश माने यांनी आपल्या मनोगतात शाळेच्या विध्यार्थी म्हणून अभिमान असल्याचे सांगून शाळेत संस्कार दिल्याने कृषि अधिकारी म्हणून नेमणूक झाली ह्याचे सर्व श्रेय शाळेच्या शिक्षक व संस्थापक यांना दिले जाते,तसेच लायन्स क्लब ऑफ कुरुंदवाड यांच्या वतीने मान्यवरांच्या हस्ते गरजू विध्यार्थ्यांना चष्मा वाटप करण्यात आले.
यावेळी शाबगोंडा पाटील, प्रकाश व्होरा, सुभाष आलासे, राजाराम अडसूळ,अविनाश गायकवाड, लायन्स क्लबचे सर्व महिला पदाधिकारी सर्व शिक्षक, शि. कर्मचारी, मुले -मुली मोठ्या संख्येने उपस्थितीत होते.
कार्यक्रमाचे सूत्रसंचालन संतोष भुयेकर सरांनी केले. आभार सहदेव डंबाळ सरांनी मानले.
