पुणे : प्रतिनिधी अशोक चव्हाण, सारथी महाराष्ट्राचा
सामाजिक, शैक्षणिक आणि समाजोपयोगी कार्यात उल्लेखनीय योगदान देणारे श्री. सुरेश देवनाथ चव्हाण यांना ‘ज्ञानदायिनी शैक्षणिक व सामाजिक संस्था, पुणे’ यांच्या वतीने ‘समाजभूषण २०२६’ पुरस्काराने गौरविण्यात आले.
समाजासाठी विविध माध्यमांतून उल्लेखनीय कार्य करणाऱ्या व्यक्तींच्या योगदानाची दखल घेऊन त्यांचा सन्मान करण्याच्या उद्देशाने ज्ञानदायिनी शैक्षणिक व सामाजिक संस्थेच्या वतीने ‘आदर्श माता पुरस्कार २०२६’, ‘आदर्श शिक्षक पुरस्कार २०२६’ तसेच ‘समाजभूषण पुरस्कार २०२६’ या पुरस्कार सोहळ्याचे आयोजन करण्यात आले होते.
रविवार, दि. २३ ऑगस्ट २०२६ रोजी पुणे येथील धोंडूमामा साठे होमिओपॅथिक मेडिकल कॉलेजच्या सेमिनार हॉलमध्ये हा पुरस्कार सोहळा उत्साहात पार पडला. यावेळी सामाजिक कार्याची दखल घेत सुरेश चव्हाण यांना ‘समाजभूषण २०२६’ पुरस्कार प्रदान करून सन्मानित करण्यात आले.
समाजासाठी विविध क्षेत्रांत कार्य करणाऱ्या व्यक्तींना प्रोत्साहन मिळावे तसेच त्यांच्या कार्याची समाजासमोर दखल घेतली जावी, हा पुरस्कार सोहळ्यामागील प्रमुख उद्देश होता. या सन्मानामुळे सुरेश चव्हाण यांच्या सामाजिक कार्याला नवी ऊर्जा व प्रेरणा मिळाली आहे.
या सोहळ्यात आदर्श माता, आदर्श शिक्षक तसेच समाजासाठी उल्लेखनीय योगदान देणाऱ्या मान्यवरांचा सन्मान करण्यात आला. कार्यक्रमास संस्थेचे शुभचिंतक, देणगीदार, नातेवाईक, मित्रपरिवार तसेच नागरिक मोठ्या संख्येने उपस्थित होते.
— अशोक चव्हाण
पुणे जिल्हा प्रतिनिधी, सारथी महाराष्ट्राचा
