शहादा,दि.०७(प्रतिनिधी)
तालुका व शहरातील विविध पक्षांच्या पदाधिकारी आणि शेकडो सक्रिय कार्यकर्त्यांनी शिवसेनेत जाहीर प्रवेश केला. शिवसेना हा गोरगरीब व सर्वसामान्य जनतेच्या प्रश्नांसाठी लढणारा पक्ष असून, शहादा तालुक्यात पक्षाचे संघटन जोमाने वाढत आहे. आगामी काळात जिल्ह्याच्या राजकारणात शिवसेना महत्त्वाची भूमिका बजावेल, असा विश्वास शिवसेना नेते तथा आमदार श्री. चंद्रकांत रघुवंशी यांनी व्यक्त केला.
शहादा येथील शिवसेना जनसंपर्क कार्यालयात आयोजित पक्षप्रवेश सोहळ्यात ते बोलत होते. शिवसेनेचे मुख्य नेते तथा उपमुख्यमंत्री ना. एकनाथ शिंदे, युवा नेते खासदार श्रीकांत शिंदे, आमदार चंद्रकांत रघुवंशी, आमदार आमश्या पाडवी, माजी आमदार शिरीषदादा चौधरी तसेच शिवसेना जिल्हाप्रमुख रामभैय्या रघुवंशी यांच्या कार्याने प्रभावित होऊन नांदिया, तलावडी, दुधखेडा, कुसुमवाडा व शहादा येथील विविध पक्षांच्या पदाधिकारी व कार्यकर्त्यांनी शिवसेनेत प्रवेश केला.यावेळी आमदार चंद्रकांत रघुवंशी, शिवसेना जिल्हाप्रमुख अॅड. रामभैय्या रघुवंशी, शहादा तालुकाप्रमुख मनलेश जायसवाल, शहादा शहरप्रमुख जितेंद्र जमदाडे, महिला सेनेच्या जिल्हाप्रमुख सौ. ज्योतीताई राजपूत, युवा सेनेचे जिल्हाप्रमुख मोहितसिंग राजपूत, ज्येष्ठ नेते जहीर शेख, सुपडू खेडकर, शेतकरी सेनेचे नगिनभाई पाटील, सचिन पाटील, काशिनाथ पाटील, डॉ.राजेंद्र पेंढारकर, सौ. संगीता पवार, नंदाताई सोनवणे, भावना लोहार, गायत्री भामरे आदी उपस्थित होते.तालुक्यातील सुजित शेवाळे, कैलाश पवार, श्रवण सुळे, दिलीप पवार, प्रवीण शिंपी, धरमसिंग पवार यांच्यासह शेकडो कार्यकर्त्यांनी शिवसेनेत प्रवेश केला. आमदार चंद्रकांत रघुवंशी व जिल्हाप्रमुख अॅड. रामभैय्या रघुवंशी यांच्या हस्ते नव्याने प्रवेश केलेल्या कार्यकर्त्यांच्या गळ्यात शिवसेना पक्षाचा गमछा टाकून त्यांचे स्वागत करण्यात आले.
यावेळी बोलताना आमदार रघुवंशी यांनी सांगितले की, शिवसेना हा सर्वसामान्यांच्या समस्या सोडविण्यासाठी काम करणारा पक्ष आहे. शहादा तालुका व शहरातील पदाधिकारी सर्वसामान्य कुटुंबातून आलेले असून, जनतेच्या प्रश्नांवर सातत्याने काम करीत आहेत. त्यामुळे तालुक्यात शिवसेनेला मोठा प्रतिसाद मिळत असून आगामी काळात संघटन अधिक मजबूत होईल.हा पक्षप्रवेश सोहळा शिवसेना जिल्हाप्रमुख रामभैय्या रघुवंशी यांच्या मार्गदर्शनाखाली तसेच शहादा तालुकाप्रमुख मनलेश जायसवाल यांच्या विशेष प्रयत्नातून आणि शहरप्रमुख जितेंद्र जमदाडे व जयसिंग ठाकरे यांच्या सहकार्याने यशस्वी झाला.कार्यक्रमाच्या यशस्वितेसाठी हितेंद्र वर्मा, गोपाल कोळी, हेमंत सूर्यवंशी, जगदीश पाटील, महेश पाटील, एकनाथ ठाकरे, लक्ष्मण पवार, मुरलीधर वळवी, कौतुभ मोरे, अॅड. लव लोहार, धनराज जायसवाल, दीपक मोरे, राकेश पाटील, सागर चौधरी, योगेश कोठारी, मनोज बेदमुथा आदींनी परिश्रम घेतले.
यावेळी शहादा तालुकाप्रमुख मनलेश जायसवाल यांनी मनोगत व्यक्त केले. कार्यक्रमाचे प्रास्ताविक शहादा शहरप्रमुख जितेंद्र जमदाडे यांनी केले, तर सूत्रसंचालन अॅड. भोजेंद्र शिंदे यांनी केले. यावेळी युवा सेनेचे राजरत्न बिरारे, जगदीश पवार, प्रवीण सैंदाणे, गुलाब सुतार यांच्यासह मोठ्या संख्येने शिवसेना पदाधिकारी व शिवसैनिक उपस्थित होते.
