स्वार्थी महाराष्ट्र प्रतिनिधी ज्ञानेश्वर सावळे मुक्ताईनगर
‘मुक्ताईनगर तालुक्यात प्रस्तावित एमआयडीसीसाठी आज संबंधित अधिकाऱ्यांच्या पथकासह मा.आमदार श्री.चंद्रकांतभाऊ पाटील यांनी प्रस्तावित जागेची प्रत्यक्ष पाहणी करण्यात आली.
सुमारे २५० एकर क्षेत्राचा विचार असून १३० हेक्टर शासकीय जमीन एमआयडीसीकडे हस्तांतरित करण्याच्या प्रक्रियेला सुरुवात झाली आहे. यावेळी जमीन मोजणी, नकाशे व आवश्यक प्रशासकीय कार्यवाहीबाबत पाहणी करण्यात आली.
मुक्ताईनगरमध्ये उद्योगांना चालना देऊन स्थानिक युवकांसाठी रोजगाराच्या मोठ्या संधी निर्माण करणे आणि मतदारसंघाच्या औद्योगिक विकासाला गती देणे, यासाठी सातत्याने प्रयत्न सुरू आहेत.
याप्रसंगी मा.आमदार श्री.चंद्रकांतभाऊ पाटील,दीपाली कासवे(प्रादेशिक अधिकारी) औद्योगिक विकास महामंडळ, जळगाव; निकेतन वाळे, निवासी नायब तहसीलदार, मुक्ताईनगर; ढवळे, तायडे, मंडळ अधिकारी, तलाठी तसेच भूमिअभिलेख विभागाचे अधिकारी उपस्थित होते.
मुक्ताईनगर एमआयडीसी — विकास आणि रोजगाराच्या नव्या पर्वाची सुरुवात!
