हर्डल्स स्पर्धेत तालुक्यात प्रथम क्रमांक; जिल्हास्तरीय स्पर्धेसाठी निवड
वाशी प्रतिनिधी | दि. २४ सप्टेंबर २०२६ : वाशी तालुक्यातील पिंपळगाव (क) येथील कमळेश्वर विद्यालयातील गुणवंत खेळाडू कुमारी शेख माही इस्माईल हिने तालुकास्तरीय क्रीडा स्पर्धेत उल्लेखनीय यश संपादन केले आहे.
१४ वर्षे वयोगटातील हर्डल्स क्रीडा प्रकारात शेख माही इस्माईल हिने उत्कृष्ट कामगिरी करत तालुक्यात प्रथम क्रमांक पटकावला. या यशामुळे तिची पुढील जिल्हास्तरीय क्रीडा स्पर्धेसाठी निवड झाली आहे.
माहीच्या या यशाबद्दल संस्थेचे संस्थापक श्री. जोगदंड रामकृष्ण वामनराव, मुख्याध्यापक श्री. भैरट एन. बी., शाळेतील सर्व शिक्षक व शिक्षकेतर कर्मचारी तसेच गावातील पालकांनी तिचे अभिनंदन केले. आगामी जिल्हास्तरीय क्रीडा स्पर्धेसाठी तिला शुभेच्छा देण्यात आल्या.
