घटनेचे कारण अस्पष्ट; पोलिसांकडून तपास सुरू
मारेगाव प्रतिनिधी :
मारेगाव : तालुक्यातील शिवनी धोबे येथे ३१ वर्षीय अनिकेत धाबेकर यांचा रविवारी रात्री मृत्यू झाल्याची घटना घडली. कुटुंबीयांनी त्यांना तातडीने मारेगाव ग्रामीण रुग्णालयात दाखल केले; मात्र वैद्यकीय तपासणीनंतर डॉक्टरांनी त्यांना मृत घोषित केले.
या घटनेमागील कारण अद्याप स्पष्ट झालेले नसून पोलिसांकडून तपास सुरू आहे. त्यांच्या पश्चात आई-वडील, दोन भाऊ, पत्नी व दीड वर्षांचा मुलगा असा परिवार आहे. ठाणेदार सागर दानडे यांच्या मार्गदर्शनाखाली दिगंबर किनाके व कॉन्स्टेबल तुमराम पुढील तपास करीत आहेत. घटनेमुळे शिवनी धोबे परिसरात हळहळ व्यक्त होत आहे.
