‘संविधान समजून घेताना’ विषयावर २८ नोव्हेंबर रोजी स्पर्धा; विजेत्यांना रोख पारितोषिके
दोडामार्ग : प्रतिनिधी : भारतीय संविधानाची मूल्ये व महत्त्व युवा पिढीपर्यंत पोहोचविण्याच्या उद्देशाने समाज जागृती मंच, दोडामार्ग यांच्या वतीने संविधान सप्ताहानिमित्त तालुका मर्यादित वक्तृत्व स्पर्धेचे आयोजन करण्यात आले आहे. शनिवार, २८ नोव्हेंबर २०२६ रोजी सकाळी १० वाजता दोडामार्ग येथे ही स्पर्धा होणार आहे.
‘संविधान समजून घेताना’ हा स्पर्धेचा विषय असून प्रत्येक स्पर्धकाला सात मिनिटांची वेळ देण्यात आली आहे. प्रथम क्रमांकास ३ हजार, द्वितीय क्रमांकास २ हजार तर तृतीय क्रमांकास १ हजार रुपये रोख पारितोषिकासह सन्मानचिन्ह व प्रमाणपत्र देण्यात येणार आहे.
इच्छुक स्पर्धकांनी नावनोंदणीसाठी शंकर जाधव (९७६५३२२४३२) किंवा उषाकिरण सम्राट (९४२१६३३९६७) यांच्याशी संपर्क साधावा, असे आवाहन समाज जागृती मंचच्या पदाधिकारी व सदस्यांनी केले आहे. तालुक्यातील विद्यार्थी, नागरिक व विचारवंतांनी मोठ्या संख्येने सहभागी व्हावे, असेही आयोजकांनी सांगितले आहे.
